Prabhudeva: ‘గాలి నాగేశ్వరరావు’ కోసం..!

మంచు విష్ణు హీరోగా ఈషాన్‌ సూర్య తెరకెక్కిస్తున్న చిత్రం ‘గాలి నాగేశ్వరరావు’. అవ ఎంటర్‌టైన్‌మెంట్స్‌ పతాకంపై నిర్మిస్తున్నారు. పాయల్‌ రాజ్‌పుత్‌, సన్నీలియోనీ కీలక పాత్రల్లో నటిస్తున్నారు. ఈ సినిమా ప్రస్తుతం రామోజీ ఫిల్మ్‌ సిటీలో చిత్రీకరణ జరుపుకొంటోంది. ఇందులో భాగంగా విష్ణు, పాయల్‌పై ఓ పాట తెరకెక్కిస్తున్నారు. దీనికి ప్రభుదేవా నృత్యరీతులు సమకూరుస్తున్నారు. ఈ విషయాన్ని చిత్ర బృందం అధికారికంగా ప్రకటించింది. మంచు విష్ణు, ప్రభుదేవా కలిసి దిగిన ఫొటోను అభిమానులతో పంచుకున్నారు. ఈ సినిమాలో రేణుకగా సన్నీలియోనీ కనిపించనుండగా.. స్వాతి పాత్రను పాయల్‌ పోషిస్తోంది. కోన వెంకట్‌ కథ, స్క్రీన్‌ప్లే అందించడంతో పాటు సహ నిర్మాతగా వ్యవహరిస్తున్నారు. అనూప్‌ రూబెన్స్‌ స్వరాలందిస్తున్నారు. జి.నాగేశ్వరరెడ్డి మూల కథ అందించారు. ఛాయాగ్రహణం: చోటా.కె.నాయుడు.