Cold Case Review: రివ్యూ: కోల్డ్కేస్
Cold Case పృథ్వీరాజ్ సుకుమార్ కీలక పాత్రలో నటించిన ‘కోల్డ్కేస్’ సినిమా ఎలా ఉందంటే?
చిత్రం: కోల్డ్కేస్; నటీనటులు: పృథ్వీరాజ్ సుకుమారన్, అదితి బాలన్, అనిల్ నెడుమగద్, లక్ష్మీప్రియ చంద్రమౌళి, అతిమ్య రాజన్ తదితరులు; సంగీతం: ప్రకాశ్ అలెక్స్; సినిమాటోగ్రఫీ: గిరిష్ గంగాధరన్, జెమోన్ టి.జాన్; ఎడిటింగ్: సమీర్ మహ్మద్; నిర్మాత: ఆంటో జోసెఫ్, జోమోన్ టి.జాన్, సమీర్ మహ్మద్; రచన: శ్రీనాథ్ వి.నాథ్; దర్శకత్వం: తను బాలక్; విడుదల: ఆహా
ఇటీవలి కాలంలో భాషతో సంబంధం లేకుండా పలు చిత్రాలు ప్రేక్షకులను అలరిస్తున్నాయి. ముఖ్యంగా కరోనాతో ఓటీటీ వేదికగా ఇతర భాషల చిత్రాలను చూసే వారి సంఖ్య కూడా పెరిగింది. కేవలం తెలుగు మాత్రమే కాదు.. తమిళ, మలయాళ, కన్నడ చిత్రాలు సైతం ఓటీటీలో సందడి చేస్తున్నాయి. అలా అమెజాన్ ప్రైమ్ వేదికగా ప్రేక్షకుల ముందుకు వచ్చిన మలయాళ చిత్రం ‘కోల్డ్కేస్’. ఇప్పుడు తెలుగు ప్రేక్షకులను అలరించడానికి ‘ఆహా’ ఓటీటీ వేదికగా విడుదలైంది. ట్రైలర్తోనే ఉత్కంఠ రేపిన ఈ చిత్రం ఎలా ఉంది? పోలీస్ ఆఫీసర్ పాత్రలో పృథ్వీరాజ్ సుకుమారన్ ఎదుర్కొన్న పరిస్థితులు ఏంటి? వాటిని ఎలా పరిష్కరించాడు?
కథేంటంటే: చెరువులో చేపల వేటకు వెళ్లిన మత్స్యకారుడికి వలలో ఒక సంచి దొరుకుతుంది. దాన్ని తెరిచి చూడగా అందులో మనిషి పుర్రె కనపడుతుంది. దీంతో రంగంలోకి దిగిన పోలీసులు ఈ కేసు పరిశోధనను ఏసీపీ సత్యజిత్(పృథ్వీరాజ్ సుకుమారన్)కు అప్పగిస్తారు. మరోవైపు మేధా పద్మజ (అదితి బాలన్) ఇన్వెస్టిగేటివ్ జర్నలిస్ట్గా ఓ టెలివిజన్ ఛానల్లో పని చేస్తుంటుంది. ఆమెకు ఒక కూతురు. కొత్తగా ఓ ఇల్లు అద్దెకు తీసుకుని అందులోకి వెళతారు. ఆ ఇంటికి వెళ్లిన దగ్గరి నుంచి మేధాకు కొన్ని అనూహ్య సంఘటనలు ఎదురవుతాయి. మేధాకు ఎదురైన ఆ పరిస్థితులు ఏంటి? ఏసీపీ సత్యజిత్ పరిశోధన చేస్తున్న కేసుకీ, ఈ ఇంటిలో జరిగే సంఘటనలకు ఉన్న సంబంధం ఏంటి? చెరువులో లభించిన ఆ మనిషి పుర్రె ఎవరిది? తెలియాలంటే సినిమా చూడాల్సిందే!
ఎలా ఉందంటే: క్రైమ్ థ్రిల్లర్.. హారర్ థ్రిల్లర్ ఈ రెండు జోనర్లలో అనేక సినిమాలు ఇప్పటికే ప్రేక్షకులను అలరించాయి. వేటికవే భిన్నమైనవి. క్రైమ్ థ్రిల్లర్లో పోలీసులు కేసు పరిష్కరించడంతో కథ సుఖాంతమవుతుంది. హారర్ థ్రిల్లర్లో కథానాయకుడు దెయ్యం పని పట్టడం లేదా? ఆ ఆత్మ పగ తీర్చుకోవడంతో కథ ముగుస్తుంది. ఈ రెండింటినీ మిళితం చేసి తెరకెక్కించిన చిత్రమే ‘కోల్డ్ కేస్’. సినిమా ప్రారంభంలోనే దర్శకుడు నేరుగా కథలోకి తీసుకెళ్లే ప్రయత్నం చేశాడు. చెరువులో పుర్రె బయటపడే సీన్తో మనం ఓ క్రైమ్ థ్రిల్లర్ చూస్తున్నామని చెప్పేశాడు. ఒకవైపు సత్యజిత్ కేసు టేకప్ చేయటం, పుర్రెకు ఉండిపోయిన కట్టుడు పన్ను ద్వారా ఆధారాలు సేకరించే ప్రయత్నం చేయటం, మరోవైపు మేధా కొత్త ఇంట్లోకి వెళ్లిన తర్వాత తన చుట్టూ ఎవరో తిరుగుతున్నారన్న అనుమానం రావటం, ఆ ఇంట్లో ఉన్నదెవరో తెలుసుకునేందుకు ఆత్మల గురించి తెలిసిన మహిళను రప్పించటం ఇలా రెండు వైపుల నుంచి కథ ముందుకు సాగుతుంది. సన్నివేశాలన్నీ ఉత్కంఠగా సాగుతాయి. దర్శకుడు చేసిన మరో మంచి పని ఏంటంటే.. కథ, కథనాల నుంచి పక్కకు వెళ్లిపోలేదు. సబ్ప్లాట్స్, సాంగ్స్, రొమాంటిక్ సన్నివేశాలు, ఫైట్స్ జోలికి అస్సలు పోలేదు. తను ఎంచుకున్న పాయింట్ను పట్టాలపై వెళ్తున్న రైలు మాదిరిగా గాడి తప్పకుండా తీసుకెళ్లాడు. అయితే, ఆ రైలు అప్పుడప్పుడు కాస్త నెమ్మదిగా, ఇంకొన్ని సార్లు వేగంగా పరుగెడుతుందంతే!
ద్వితీయార్ధం మొదలైన తర్వాత కథాగమనం నెమ్మదిస్తుంది. కథా, కథనాలు అక్కడక్కడే తిరుగుతున్నట్లు అనిపిస్తాయి తప్ప ముందుకు వెళ్లవు. ఒకవైపు నుంచి సత్యజిత్, మరోవైపు నుంచి మేధా.. ఈ కేసు ఒకరికి తెలియకుండా ఒకరు పరిశోధన చేస్తున్నట్లు తెలుస్తుంది. దీంతో నేరుగా కథను క్లైమాక్స్కు తీసుకొచ్చేశాడు దర్శకుడు. హంతకుడు ఎవరన్న ప్రశ్న సినిమా చూస్తున్న ప్రేక్షకుడిని తొలిచేస్తుంటుంది. చివరి 30 నిమిషాలు ఉత్కంఠగా సాగినా.. త్వరగా ముగింపునకు వచ్చేశాడన్న భావన కలుగుతుంది. ఇద్దరూ కలిసిన తర్వాత కథలో ఇంకొంత నాటకీయత కొనసాగించి ఉంటే బాగుండేదేమో అనిపిస్తుంది. అయితే, కథ మరోవైపు మళ్లితే నిడివి పెరిగిపోతుందేమోనని దర్శకుడు భావించి ఉండవచ్చు. చివరిగా ఓ మంచి థ్రిల్లర్ మూవీని ప్రేక్షకులు ఆస్వాదించవచ్చు.
ఎవరెలా చేశారంటే: ఏసీపీ సత్యజిత్గా పృథ్వీరాజ్ సుకుమారన్ పర్వాలేదు. క్రైమ్ థ్రిల్లర్ కాబట్టి, నటనకు పెద్దగా ఆస్కారం ఏమీ ఉండదు. స్క్రిప్ట్ను బట్టి నడుచుకుంటూ వెళ్లడమే. మిగిలిన పాత్రలెవరూ తెలుగు వారికి తెలిసిన వాళ్లు కాదు. వారి పాత్రల పరిధి మేరకు చక్కగా నటించారు. సాంకేతికంగా సినిమా బాగుంది. ప్రకాశ్ అలెక్స్ నేపథ్య సంగీతం సినిమాకు బలం చేకూర్చింది. గిరీష్ గంగాధరన్, జోమాన్ టి.జాన్ సినిమాటోగ్రఫీ ఓకే. హారర్ సన్నివేశాల్లో వాళ్ల ప్రతిభ కనపడుతుంది. షమీర్ మహ్మద్ ఎడిటింగ్ బాగుంది. సినిమాకు ఎంత అవసరమో అంతే ఉంచారు. శ్రీనాథ్ వి.నాథ్ ఎంచుకున్న పాయింట్ ఓకే. రెండు వేర్వేరు జానర్లను కలిపి కథ రాసుకున్నారు. అక్కడక్కడా మలయాళ ‘దృశ్యం’, తమిళ ‘ఈరం’ సినిమాలు గుర్తొస్తాయి. శ్రీనాథ్ కథను దర్శకుడు తను బాలక్ బాగానే తెరకెక్కించాడు. నేరుగా కథలోకి తీసుకెళ్లినా, కథనం నెమ్మదిగా సాగుతుంది. అదే విధంగా క్లైమాక్స్ త్వరగా ముగించాడేమోననిపిస్తుంది. అయితే, తను చెప్పాలనుకున్నది పక్కదారి పట్టకుండా బాగా చెప్పాడు.
బలాలు
+ కథ
+ ప్రథమార్ధం
+ సాంకేతిక బృందం పనితీరు
బలహీనతలు
- నెమ్మదిగా సాగే ద్వితీయార్ధం
చివరిగా: క్రైమ్+హారర్= థ్రిల్లింగ్ ‘కోల్డ్ కేస్’
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఆ ఒక్క సాంగ్ చేయలేకపోతే ఇండస్ట్రీని వదిలేద్దామనుకొన్నా: సోనాలి బింద్రే
తాజాగా ఓ ఇంటర్వ్యూలో పాల్గొన్న సోనాలి తన కెరీర్ తొలినాళ్లను గుర్తుచేసుకున్నారు. -
పుష్ప పుష్ప పుష్పరాజ్
‘పుష్ప2’ ప్రచార హంగామా ఊపందుకోనుంది. మే 1న తొలి పాటని విడుదల చేస్తున్నట్టు బుధవారం చిత్రబృందం ప్రకటించింది. ‘పుష్ప పుష్ప పుష్పరాజ్...’ అంటూ సాగే ఆ పాట ప్రోమోని విడుదల చేశారు. -
సర్దార్ 2 సన్నాహాలు
కార్తి.. పోలీసు అధికారిగా, రా ఏజెంటుగా తన నటనతో ప్రేక్షకులను ఆకట్టుకున్న చిత్రం ‘సర్దార్’. పీఎస్ మిత్రన్ తెరకెక్కించారు. దీనికి కొనసాగింపుగా ‘సర్దార్ 2’ రూపొందుతున్న సంగతి తెలిసిందే. -
రామోజీ ఫిల్మ్సిటీలో తమ్ముడు
నితిన్ కథానాయకుడిగా శ్రీ వెంకటేశ్వర క్రియేషన్స్ పతాకంపై తెరకెక్కుతున్న చిత్రం ‘తమ్ముడు’. సప్తమిగౌడ కథానాయిక. శ్రీరామ్ వేణు దర్శకత్వం వహిస్తున్నారు. దిల్ రాజు, శిరీష్ నిర్మాతలు. -
ఒక నటికి ఇంతకంటే ఏం కావాలి?
‘‘ప్రేక్షకుడికి ఒక మంచి సినిమాని ఇవ్వాలనే ఆలోచన తప్ప మిగతా ఏ రకమైన ఒత్తిడీ నాపైన ఉండదు. తెలుగు సినిమా.. నటిగా నాకు రెండో జీవితాన్నిచ్చింది. తెలుగు ప్రేక్షకులు నన్ను వాళ్ల సొంతం చేసుకున్నారు. -
గ్రామీణ ప్రేమకథ
పృథ్వీ కథానాయకుడిగా పాలిక్ శ్రీను దర్శకత్వంలో ఓ చిత్రం తెరకెక్కుతోంది. అంబిక, రూపాలి కథానాయికలు. దుర్గం రాజేశ్, రావుల రమేశ్, టి.ఎస్.రాజు సంయుక్తంగా నిర్మిస్తున్నారు. -
కనులెందుకో కలిసేనులే...
సుధీర్బాబు కథానాయకుడిగా తెరకెక్కుతున్న చిత్రం ‘హరోం హర’. ది రివోల్ట్.. అనేది ఉపశీర్షిక. మాళవిక శర్మ కథానాయిక. జ్ఞానసాగర్ ద్వారక దర్శకత్వం వహిస్తున్నారు. సుమంత్.జి నాయుడు నిర్మాత. -
ప్రేమిస్తే.. పూర్తిగా నమ్మేస్తా!
దాదాపు మూడేళ్ల విరామం తర్వాత ‘దో ఔర్ దో ప్యార్’తో ప్రేక్షకుల ముందుకొచ్చింది ఇలియానా. ‘దేవదాసు’లో భానుమతిగా తెలుగు ప్రేక్షకులకు ఎప్పుడో దగ్గరైన తను.. ఈ చిత్రంలో నటనకు మంచి మార్కులే కొట్టేసింది. -
యాక్షన్ రుచి చూపించే.. బేబీ జాన్
‘బేబీ జాన్’గా ప్రత్యర్థులకు తన యాక్షన్ రుచి చూపించేందుకు సిద్ధమవుతున్నాడు బాలీవుడ్ కథానాయకుడు వరుణ్ ధావన్. కాలీస్ దర్శకత్వంలో యాక్షన్ ఎంటర్టైనర్గా తెరకెక్కుతున్న చిత్రమే ‘బేబీ జాన్’. -
ఇది నా అదృష్టం: అమితాబ్
ప్రఖ్యాత గాయని లతా మంగేష్కర్ పేరుతో ఏర్పాటు చేసిన లతా దీనానాథ్ మంగేష్కర్ పురస్కారాన్ని బాలీవుడ్ నటుడు అమితాబ్ బచ్చన్ బుధవారం స్వీకరించారు. 2022లో మరణించిన లత జ్ఞాపకార్థం ఈ పురస్కారాన్ని ఏర్పాటు చేశారు. -
ఉత్తమ దర్శకుడు.. కరణ్ జోహార్
దర్శకనిర్మాత కరణ్జోహార్ ఈ ఏడాది మేటి దర్శకుడి పురస్కారానికి ఎంపికయ్యారు. బుధవారం దిల్లీలో.. ఆల్ ఇండియా మేనేజ్మెంట్ అసోసియేషన్ (ఏఐఎంఏ) ఆధ్వర్యంలో నిర్వహించిన తొమ్మిదో లీడర్షిప్ కాన్క్లేవ్లో భారత ఉపరాష్ట్రపతి... -
ఎన్నికల బరిలో ‘పొలిమేర’ నటి..
‘పొలిమేర’ నటి స్వతంత్ర అభ్యర్థిగా ఎన్నికల్లో పోటీ చేయనున్నారు. -
‘నో యాడ్స్..’ ఇక కేవలం సినిమాలే!: పీవీఆర్ ఐనాక్స్ నిర్ణయం
పీవీఆర్ ఐనాక్స్ సంస్థ కీలక నిర్ణయం తీసుకుంది. ‘యాడ్ ఫ్రీ’ విధానంలో సినిమాలు ప్రదర్శించనున్నట్లు తెలిపింది. -
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
ఆ ఒక్క సాంగ్ చేయలేకపోతే ఇండస్ట్రీని వదిలేద్దామనుకొన్నా: సోనాలి బింద్రే
-
దేశాల మధ్య డీఫ్ఫేక్ చిచ్చు.. ఫిలిప్పీన్స్-చైనాలో కలకలం సృష్టించిన వీడియో
-
ఐపీఎల్ స్ట్రీమింగ్ కేసు.. నటి తమన్నాకు సమన్లు
-
విమానాలు రద్దయితే ఆటోమేటిక్ రిఫండ్.. అమెరికాలో కొత్త నిబంధనలు
-
హైదరాబాద్కు ‘ఉప్పల్’ అడ్డా.. బెంగళూరుపై ఈసారి స్కోరెంత?
-
గీత రచయిత పాటల హక్కు కోరితే ఏమవుతుంది?: ఇళయరాజా కేసులో హైకోర్టు ప్రశ్న