అదృష్టాన్ని కాపాడుకోవడం కోసం శ్రమిస్తున్నా

నటి ప్రియా ప్రకాశ్‌ వారియర్‌

హైదరాబాద్‌: కేవలం కన్నుగీటడంతో ఓవర్‌నైట్‌లోనే స్టార్‌గా మారి ఎంతో మంది అభిమానులను సొంతం చేసుకోవడం నిజంగానే తన అదృష్టమని నటి ప్రియా ప్రకాశ్‌ వారియర్‌ అన్నారు. ‘ఓరు అదార్‌ లవ్‌’తో నటిగా ఎంట్రీ ఇచ్చిన ఈ కేరళ కుట్టి ఇటీవల విడుదలైన ‘చెక్‌’తో తెలుగు ప్రేక్షకులను మెప్పించారు. ఈ నేపథ్యంలో ప్రియా ప్రకాశ్‌ తాజాగా ఓ ఇంటర్వ్యూలో పాల్గొన్నారు.

‘‘ఓరు అదార్‌ లవ్‌’లోని ఓ సన్నివేశంతో సోషల్‌మీడియా వేదికగా ఓవర్‌నైట్‌లోనే ఎంతోమంది అభిమానులను సొంతం చేసుకోవడం నా అదృష్టం. ఆ అదృష్టాన్ని కాపాడుకోవడానికి ఇప్పుడు శ్రమిస్తున్నాను. ఆ సినిమా విడుదలై మూడేళ్లు అవుతున్నప్పటికీ నాపై ప్రేక్షకులు చూపించే ప్రేమ ఏమాత్రం తగ్గలేదు. అందుకు నాకెంతో ఆనందంగా ఉంది. ప్రస్తుతం నేను కన్నడలో ఓ ప్రాజెక్ట్‌ చేస్తున్నా. తెలుగు కంటే కన్నడ మాట్లాడడం కొంచెం కష్టంగా ఉంటుంది. ప్రస్తుతం పలు సినిమా ఆఫర్స్‌ వస్తున్నాయి. మంచి కథలను మాత్రమే ఎంచుకోవాలనుకుంటున్నా’’ అని ఆమె వివరించారు.