Bandla Ganesh: మూడోసారి పాజిటివ్‌

ప్రముఖ నిర్మాత బండ్ల గణేష్‌ మూడోసారి కరోనా బారిన పడ్డారు. ఇటీవలే దిల్లీ వెళ్లొచ్చిన ఆయన పరీక్షలు చేయించుకోగా పాజిటివ్‌గా నిర్ధారణ అయ్యింది. ఆ విషయాన్ని బండ్ల గణేష్‌ ఆదివారం రాత్రి ట్విటర్‌ ద్వారా తెలియజేశారు. ‘‘మూడు రోజులు నేను దిల్లీలో ఉన్నా. ఈ రోజు సాయంత్రం పరీక్షలు చేయించుకోగా పాజిటివ్‌గా తేలింది. స్వల్ప లక్షణాలున్నాయి. మా కుటుంబ సభ్యులకి నెగిటివ్‌గా నిర్ధారణ అయ్యింది. ప్రస్తుతం తాను స్వీయ నిర్బంధంలో ఉన్నా. దయచేసి  ప్రయాణాలు చేసే ముందు ఆలోచించండి. సురక్షితంగా ఉండండి’’ అంటూ ట్వీట్‌ చేశారు బండ్ల గణేష్‌. ఆయన ఇదివరకు రెండుసార్లు కరోనా బారిన పడి కోలుకున్నారు.