OTT: అమెజాన్‌ ప్రైమ్‌లో అలరిస్తోన్న యాక్షన్‌ డ్రామా

హైదరాబాద్‌: మలయాళ చిత్రం 'పథోంపథం నూట్టండు' తెలుగులో ‘పులి 19వ శతాబ్దం’ (Puli –19th Century) పేరిట విడుదలైంది. యాక్షన్‌ ప్రియులను ఆకట్టుకున్న ఈ చిత్రం తాజాగా ఓటీటీలోకి వచ్చేసింది. ప్రముఖ ఓటీటీ ప్లాట్‌ఫామ్‌ అమెజాన్‌ ప్రైమ్‌ (Amazon Prime) వేదికగా శనివారం రాత్రి నుంచి డిజిటల్‌ ప్రేక్షకులను అలరిస్తోంది. వినయన్‌ దర్శకత్వం వహించిన ఈ సినిమాకు మమ్ముట్టి అందించిన వాయిస్‌ ఓవర్‌ ప్రత్యేక ఆకర్షణగా నిలుస్తోంది. సిజు విల్సన్‌ (Siju Wilson) ఇందులో యోధుడుగా కనిపించారు. 19వ శతాబ్దంలో సాగే కథతో దీన్ని తెరకెక్కించారు. అనంత పద్మనాభ స్వామి దేవాలయంలో జరిగే దొంగతనం, ఆ దొంగను ఎలా పట్టుకున్నారు అనే పాయింట్‌తో ఈ చిత్రం సాగుతుంది. ఈ క్రమంలో చూపించే విజువల్స్‌, స్టన్నింగ్‌ యాక్షన్‌ సీక్వెన్స్‌లు డిజిటల్‌ ప్రేక్షకులను ఆకట్టుకుంటున్నాయి. నాటి పరిస్థితులు ఎలా ఉన్నాయో ఈ చిత్రంలో చూపించారు. సంతోష్‌ నారాయణన్‌ సంగీతం అందించారు. ప్రస్తుతం ఇది తెలుగు ప్రేక్షకులను ఆకట్టుకోవడంతో చిత్రబృందం ఆనందం వ్యక్తం చేసింది.