Pushpa: ‘శ్రీవల్లి’ మరాఠి వెర్షన్‌పాట విన్నారా!

ఇంటర్నెట్‌ డెస్క్‌: బన్నీ-సుకుమార్‌ కాంబినేషన్‌లో తెరకెక్కిన ‘పుష్ప’ చిత్రం ఇటీవల పాన్‌ ఇండియాగా విడుదలై ఎంతటి భారీ విజయాన్ని అందుకుందో తెలిసిందే. తెలుగుతోపాటు  తమిళం, మలయాళం, కన్నడ, హిందీ భాషల్లోనూ సూపర్‌ హిట్‌గా నిలిచింది. సినిమానే కాదు.. అందులోని డైలాగులు, దేవీశ్రీప్రసాద్‌ స్వరపర్చిన పాటలు ఆ ఐదు భాషల్లోనూ సంగీతాభిమానులను ఆకట్టుకున్నాయి. దీంతో దేశవ్యాప్తంగా సెలబ్రిటీలు, అభిమానులు ‘పుష్ప’లోని డైలాగులు, కవర్‌ సాంగ్స్‌తో వీడియోలు రూపొందిస్తున్నారు. తాజాగా మహారాష్ట్రలోని పుణెకి చెందిన ఓ ట్రాఫిక్‌ పోలీసు మరాఠీ భాషలో ‘శ్రీవల్లి’ పాటకు లిరిక్స్‌ రాసి స్వయంగా ఆలపించాడు. ఇప్పుడు ఆ వీడియో సోషల్‌మీడియాలో వైరల్‌గా మారింది.

అతీశ్‌ ఖరాడే.. వృత్తిపరంగా ట్రాఫిక్‌ పోలీసే అయినా అతడిలో మంచి గాయకుడున్నాడు. దీంతో ఒకవైపు విధులు నిర్వర్తిస్తూనే.. అప్పుడప్పుడూ గాయకుడి అవతారం ఎత్తుతున్నాడు. ఈ మధ్య కొన్ని హిట్‌ సాంగ్స్‌ను పాడుతూ తన ‘ఏకే పోలీస్‌’ యూట్యూబ్‌ ఛానల్‌లో అప్‌లోడ్‌ చేస్తున్నాడు. ఈ క్రమంలోనే ‘పుష్ప’ చిత్రంలోని ‘శ్రీవల్లి.. ’ పాటను మరాఠీ వెర్షన్‌లో పాడాడు. ప్రస్తుతం ఆ వీడియోకి నెటిజన్ల నుంచి మంచి స్పందన వస్తోంది. మరాఠీ వెర్షన్‌ కూడా బాగుందని, అతడి గాత్రం.. సినిమా గాయకులకు ఏ మాత్రం తీసిపోదని ప్రశంసలు కురిపిస్తున్నారు.