Bushcraft.. అంత ఈజీ కాదు
మనకున్న జీవన నైపుణ్యాలు తెలుసుకోవడం కోసం.. మనకి మనమే ఒక పరీక్ష పెట్టుకుని ఒంటరిగా బయలుదేరి వెళ్లి అడవిలో బతకడాన్నే బుష్క్రాఫ్ట్ అంటారని ప్రముఖ దర్శకుడు పూరీ జగన్నాథ్ తెలిపారు....
పూరీజగన్నాథ్ ఏం చెప్పారంటే
హైదరాబాద్: మనకున్న జీవన నైపుణ్యాలు తెలుసుకోవడం కోసం.. మనకి మనమే ఒక పరీక్ష పెట్టుకుని ఒంటరిగా బయలుదేరి వెళ్లి అడవిలో బతకడాన్నే బుష్క్రాఫ్ట్ అంటారని ప్రముఖ దర్శకుడు పూరీ జగన్నాథ్ తెలిపారు. బుష్క్రాఫ్ట్ చేయడం అంత ఈజీ కాదని ఆయన అన్నారు. పూరీ మ్యూజింగ్స్ వేదికగా విభిన్న అంశాలతో ప్రేక్షకులను పలకరించే ఆయన తాజాగా బుష్క్రాఫ్ట్ గురించి వివరించారు. ఇంతకీ బుష్క్రాఫ్ట్ విశేషాలంటే ఆయన మాటల్లోనే తెలుసుకోండి..
‘బుష్క్రాఫ్ట్.. అడవిలో మిగతా జంతువులతో కలిసి వాటిలానే బతకగలిగే తెలివితేటలు. అది కూడా ఒక కళ. అన్ని జంతువులకి ఎలా జీవించాలో తెలుసు. మనం మాత్రం మర్చిపోయాం. ఒక మనిషిగా మనం కొన్ని బుష్క్రాఫ్ట్ స్కిల్స్ తెలుసుకోవాలి. అడవిలో ఆహారం సంపాదించుకోవాలంటే వేటాడటం, కొండలు ఎక్కడం, చేపలు పట్టడం ఇలా ఎన్నో విషయాలు తెలుసుకోవాలి. బుష్క్రాఫ్ట్ అనేది మనకున్న జీవన నైపుణ్యాలు తెలుసుకోవడం కోసం.. మనకి మనమే ఒక పరీక్ష పెట్టుకుని ఒంటరిగా బయలుదేరి వెళ్లి అడవిలో బతకడం. ఇది క్యాంపింగ్ అంత ఈజీ కాదు. అడవిలో మంచి నీళ్లు ఎక్కడ దొరుకుతాయో వెతుక్కోవాలి. వేటాడి తినాలి. అక్కడే ఓ చిన్న గూడు నిర్మించుకుని పడుకోవాలి. ఒకవేళ ఏదైనా జంతువులు దాడి చేస్తే.. దాని నుంచి తప్పించుకుని సురక్షితంగా తిరిగి రావాలి’’
‘‘కొన్ని ప్రాంతాల్లో మినహాయించి అన్ని దేశాల్లో బుష్క్రాఫ్ట్ చట్టపరంగా అమలులో ఉంది. బుష్క్రాఫ్ట్ గురించి పుస్తకాలు ఉన్నాయి. ఎన్నో జీవన మనుగడ నైపుణ్యాల గురించి అందులో రాసి ఉంటాయి. బుష్క్రాఫ్ట్ గేర్ అని అమ్ముతారు. ఆ సెట్ ఒక్కటి కొనుక్కుని మనం బయలుదేరవచ్చు. అందులో అన్నిరకాల అత్యవసర వస్తువులు అందుబాటులో ఉంటాయి. అడవిలో కనుక జీవించగలిగితే నువ్వు ఒక స్కిల్డ్ యానిమల్. అక్కడ నీతో మాట్లాడడానికి ఎవరూ ఉండరు. ప్రతి చిన్న శబ్ధం కూడా నీకు స్పష్టంగా వినిపిస్తుంది. రోజూ కంటే 4 రెట్లు ఎక్కువగా అక్కడ పనిచేస్తారు. ఆక్సిజన్ లేకుండా మూడు నిమిషాలు.. మంచినీళ్లు తాగకుండా మూడు రోజులు.. భోజనం చేయకుండా మూడు వారాలు జీవించగలం. బుష్క్రాఫ్ట్ ఎప్పుడూ ప్లాన్డ్గా ఉండదు. అలా ఫుడ్ని వెతుక్కుంటూ వెళ్లిపోవడమే’’
‘‘ఎక్కడికి, ఎంత దూరం వెళతారో ఎవరికీ తెలీదు. మరలా తిరిగి రావడం కోసం మ్యాప్ కానీ కంపాస్ కానీ వాడతారు. బుష్క్రాఫ్ట్ చేసేవాళ్లు తప్పకుండా తీసుకువెళ్లాల్సింది. శాటిలైట్ ఫోన్. ఎమర్జెన్సీ సమయంలో ఉపయోగపడుతుంది. యూట్యూబ్లో బుష్క్రాఫ్ట్ ఫర్ బిగినర్స్ అని టైప్ చేయండి. ఎన్నో వీడియోలు వస్తాయి. ఒంటరిగా బుష్క్రాఫ్ట్ చేస్తున్న ఎంతోమంది అమ్మాయిలు ఉన్నారు. కొంతమంది వాళ్ల కుక్కని తీసుకువెళ్తారు. క్లిష్టమైన వాతావరణ పరిస్థితుల్లోనూ చేసేవాళ్లు ఉన్నారు. బుష్క్రాఫ్ట్ చేస్తూ ఆరేళ్లు ఉన్నవాళ్లు నాకు తెలుసు. బుష్క్రాఫ్ట్ చేయాలంటే జీవితంపై ప్రేమ, దమ్ము ఉండాలి’ అని పూరీ వివరించారు.దీంతో పాటు, క్యాంపింగ్ అనే అంశం గురించి కూడా పూరీ తనదైన శైలిలో వివరించారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ప్రేమలో పడ్డారు.. లవ్ స్టోరీతో..
ఒకప్పుడు మన సినిమాల్లో ప్రేమకథలదే జోరు. అగ్ర తారలు సైతం ప్రేమ లేఖలు రాస్తూ... ప్రేమ పాటలు పాడుకుంటూ తెరపై కనిపించేవాళ్లు. ఆ తర్వాత యువ హీరోలకే ఆ కథలు పరిమితం అయ్యాయి -
500మంది డ్యాన్సర్లతో వెల్కమ్ ఆటాపాటా
బాలీవుడ్లోని ప్రముఖ నటీనటులందరినీ ఏకం చేసి కొత్త తరహా కాన్సెప్ట్తో ప్రేక్షకులను అలరించడానికి రాబోతున్న చిత్రం ‘వెల్కమ్ టు ది జంగిల్’. అగ్రకథానాయకుడు అక్షయ్ కుమార్ ప్రధాన పాత్రలో నటిస్తున్నారు. -
‘హను-మాన్’ విజయం ప్రేక్షకుల బహుమానం
‘‘నా చిన్నప్పుడు చూసిన వంద రోజుల సినిమా వేడుకలు బాగా గుర్తున్నాయి. కానీ దర్శకుడినయ్యాక సినిమాల ప్రదర్శనలు ఒక వారానికి పరిమితం అయ్యాయి. -
గోద్రా రైలులోని రహస్యాలు బయటపడేది ఆ రోజే
గోద్రా రైలు దహనకాండ ఆధారంగా రూపొందుతున్న చిత్రం ‘ది సబర్మతీ రిపోర్ట్’. బాలీవుడ్ కథానాయకుడు విక్రాంత్ మాస్సే, రాశీ ఖన్నా జంటగా నటిస్తున్నారు. -
సందీప్ కిషన్ చిత్రం ప్రారంభం
ముప్పై సినిమాల మైలురాయిని చేరుకున్నారు సందీప్కిషన్. ఆయన కథానాయకుడిగా ఏకే ఎంటర్టైన్మెంట్స్తో కలిసి హాస్య మూవీస్ ఓ చిత్రాన్ని రూపొందిస్తోంది. -
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
‘శ్రీకాంత్’ కోసం ఆమిర్ గీతం
మరికొద్ది రోజుల్లో ‘శ్రీకాంత్’ సినిమాతో ప్రేక్షకుల్ని పలకరించడానికి సిద్ధమవుతున్నాడు బాలీవుడ్ కథానాయకుడు రాజ్కుమార్ రావ్. తుషార్ హీరానందాని తెరకెక్కిస్తున్నారు. -
మోహన్లాల్ 360 షురూ
ప్రయోగాత్మక కథలు, భిన్నమైన పాత్రలు ఎంచుకుంటూ సినీప్రియుల్ని మెప్పించే మోహన్లాల్.. ప్రధాన పాత్రలో నటిస్తున్న చిత్రం ‘ఎల్360’ (వర్కింగ్ టైటిల్). తరుణ్ మూర్తి తెరకెక్కిస్తున్నారు. -
బెంగాలీ అమ్మాయి.. నాన్న కొట్టిన చెంప దెబ్బ.. ఇవే ఆలోచనలు: పూరి జగన్నాథ్
పూరి మ్యూజింగ్స్లో ‘ది డెవిల్’ అంటూ ఆలోచనల గురించి మాట్లాడారు పూరి జగన్నాథ్ -
కియారా ‘టీ’ ముచ్చట.. సోనాల్ బ్రేక్ఫాస్ట్ సంగతులు
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..