Pushpa: రష్యాలోనూ పుష్ప తగ్గేదేలే!

భాషతో సంబంధం లేకుండా...  దేశ వ్యాప్తంగా ప్రేక్షకుల ఆదరణని సొంతం చేసుకున్న ‘పుష్ప’ (Pushpa) చిత్రం రష్యాలో విడుదలైంది. అక్కడ ఏర్పాటు చేసిన ప్రత్యేక ప్రదర్శనల్లో పాల్గొనేందుకు ‘పుష్ప’ బృందం కూడా బయల్దేరి వెళ్లింది.  అక్కడ ఓ కార్యక్రమంలో ‘పుష్ప’ చిత్రంలోని తగ్గేదేలే మేనరిజమ్‌ని ఆ చిత్రబృందం ప్రదర్శిస్తూ ఇలా ఫొటోలకి పోజులిచ్చింది. అల్లు అర్జున్‌ (Allu arjun), రష్మిక జంటగా సుకుమార్‌ (Sukumar) తెరకెక్కించిన ‘పుష్ప’కి కొనసాగింపుగా రూపొందుతున్న ‘పుష్ప2’ చిత్రీకరణ ఇప్పటికే షురూ అయ్యింది. రష్యా నుంచి రాగానే చిత్రీకరణ కోసం రంగంలోకి దిగనుంది సినిమా బృందం.