Raajahyogam: ఓటీటీలో ‘రాజయోగం’.. స్ట్రీమింగ్‌ ఎప్పుడంటే?

హైదరాబాద్‌: సాయి రోనక్‌, అంకిత సాహా, బిస్మీ నాస్‌, అజయ్‌ఘోష్‌ కీలక పాత్రల్లో నటించిన క్రైమ్‌ కామెడీ చిత్రం ‘రాజయోగం’ (Raajahyogam). డిసెంబరు 30న ప్రేక్షకుల ముందుకు వచ్చిన ఈ చిత్రం ఇప్పుడు ఓటీటీలో స్ట్రీమింగ్‌కు సిద్ధమైంది. ఫిబ్రవరి 9వ తేదీ నుంచి డిస్నీ+హాట్‌స్టార్‌ వేదికగా ఇది అందుబాటులోకి రానుంది.

కథేంటంటే: రిషి (సాయి రోనక్‌) మధ్య తరగతి యువకుడు. మెకానిక్‌గా పని చేస్తుంటాడు. విలాసవంతమైన జీవితాన్ని గడపాలన్నది అతడి కల. అందుకోసం సంపన్న కుటుంబానికి చెందిన యువతిని ప్రేమించి పెళ్లి చేసుకోవాలనుకుంటాడు. ఓసారి తను రిపేర్‌ చేసిన కారును దాని యజమానికి ఇచ్చేందుకు స్టార్‌ హోటల్‌కి వెళ్తాడు. అక్కడ శ్రీ (అంకిత సాహా)ను చూసి ప్రేమలో పడతాడు. ఇద్దరూ ఒకరికొకరు దగ్గరవుతారు. అయితే, ఇంతకీ శ్రీ ఎవరు? ఆమె నిజ స్వరూపం ఏంటి? దాన్ని బయట పెట్టడానికి రిషి ఏం చేశాడు? ఈ క్రమంలో అతనికి ఎదురైన సవాళ్లు ఏంటి? మధ్యలోకి వచ్చిన ఐశ్వర్య(బిస్మీనాస్‌) ఎవరు? తెలియాలంటే సినిమా చూడాల్సిందే!