Radhe Shyam: ‘రాధేశ్యామ్‌’ మెలొడీ ఫుల్‌ వీడియో.. ఆకట్టుకునేలా ప్రభాస్‌- పూజా కెమిస్ట్రీ..!

ఇంటర్నెట్‌ డెస్క్‌: ప్రభాస్‌, పూజాహెగ్డే జంటగా నటించిన చిత్రం ‘రాధేశ్యామ్‌’. ఇటీవల ప్రేక్షకుల ముందుకొచ్చిన ఈ సినిమాలోని ‘నగుమోము తారలే’ సాంగ్‌ ఫుల్‌ వీడియో విడుదలైంది. ప్రభాస్‌- పూజా కెమిస్ట్రీ, లొకేషన్లు అందరినీ ఆకట్టుకునేలా ఉన్నాయి. కృష్ణకాంత్‌ రచించిన ఈ మెలొడీని సిధ్‌ శ్రీరామ్‌ ఆలపించారు. జస్టిన్‌ ప్రభాకరన్‌ సంగీతం అందించారు. 70ల నాటి ఇటలీ నేపథ్యంలో.. లవ్‌ థ్రిల్లర్‌గా తెరకెక్కిన ఈ చిత్రంలో ప్రభాస్‌ హస్తసాముద్రికా నిపుణుడిగా నటించారు. ఆయన ప్రేయసి ప్రేరణగా పూజా హెగ్డే అలరించింది. యువీ క్రియేషన్స్‌, గోపీ కృష్ణ మూవీస్‌ సంస్థలు సంయుక్తంగా నిర్మించిన ఈ సినిమాలో కృష్ణంరాజు, భాగ్యశ్రీ, సచిన్‌ ఖేడ్‌కర్‌ తదితరులు కీలక పాత్రలు పోషించారు.