Shilpa Shetty: శిల్పాకు విలువైన ఆస్తులు ట్రాన్స్‌ఫర్‌ చేసిన రాజ్‌కుంద్రా

ముంబయి: అశ్లీల చిత్రాల కేసులో తీవ్ర ఆరోపణలు ఎదుర్కొని బెయిల్‌పై బయటకు వచ్చిన వ్యాపారవేత్త రాజ్‌కుంద్రా తాజాగా మరోసారి వార్తల్లో నిలిచారు. తనకు చెందిన కొన్ని విలువైన ఆస్తులను శిల్పాశెట్టి పేరు మీదకు ఆయన ట్రాన్స్‌ఫర్‌ చేయించినట్లు తెలుస్తోంది. ఈ మేరకు జుహూలోని ఓ అపార్ట్‌మెంట్‌లో తన పేరుపై ఉన్న ఐదు ఫ్లాట్స్‌ని కుంద్రా.. శిల్పా పేరు మీదకు మార్చారు. ఈ ఐదు ఫ్లాట్స్‌ విలువ  రూ.38.5 కోట్లు ఉంటుందని సమాచారం. రిజిస్ట్రేషన్‌ ఖర్చుల కోసం సుమారు రూ.2 కోట్లు చెల్లించినట్లు బీటౌన్‌లో టాక్‌ వినిపిస్తుంది. అయితే, ఉన్నట్టుండి రాజ్‌కుంద్రా తన ఆస్తులను శిల్పా పేరు మీదకు ఎందుకు మార్చారనే విషయంపై ప్రస్తుతం నెట్టింట్లో చర్చ జరుగుతోంది. తన సతీమణి శిల్పాపై ఉన్న ప్రేమతోనే కుంద్రా ఇలా చేసి ఉంటారని కొందరు అంటుంటే మరికొంతమంది మాత్రం వీళ్లిద్దరూ విడాకులకు అప్లయ్‌ చేసినట్లు ఉన్నారు. అందుకే ఆస్తులు పంచుకుంటున్నారని చెప్పుకుంటున్నారు.