Raj Tarun: ‘మాన్‌స్టర్‌’ కోసం రాజ్‌తరుణ్‌

రాజశేఖర్‌ (Raja Sekhar) కథానాయకుడిగా పవన్‌ సాదినేని తెరకెక్కిస్తున్న చిత్రం ‘మాన్‌స్టర్‌’ (Monster). మల్కాపురం శివకుమార్‌ నిర్మాత. ఈ సినిమా ఇప్పటికే పూజా కార్యక్రమాలతో లాంఛనంగా మొదలైన సంగతి తెలిసిందే. త్వరలో రెగ్యులర్‌ చిత్రీకరణ ప్రారంభం కానుంది. ఇందులో ఓ యువ కథానాయకుడి పాత్రకీ చోటుంది. ఇప్పుడా పాత్ర కోసం హీరో రాజ్‌తరుణ్‌ను (Raj Tarun) ఎంపిక చేసినట్లు సమాచారం. అయితే ఆయన పాత్రేంటన్నది స్పష్టంగా తెలియకున్నా.. కథలో చాలా ప్రాధాన్యమున్న పాత్రని తెలిసింది. పోలీసులు, గ్యాంగ్‌స్టర్స్‌ మధ్య సాగే పోరాటం నేపథ్యంలో రూపొందుతున్న చిత్రమిది. మరి ఇందులో పోలీస్‌గా కనిపించేదెవరు? గ్యాంగ్‌స్టర్‌గా నటించేదెవరు? తెలియాలంటే ఇంకొన్నాళ్లు వేచి చూడక తప్పదు. ఈ సినిమాకి జిబ్రాన్‌ స్వరాలందిస్తున్నారు.