రాజశేఖర్ కొత్త చిత్రం ‘మర్మాణువు’

హైదరాబాద్‌: రాజశేఖర్ కథానాయకుడిగా తన కొత్త సినిమా టైటిల్‌ని ప్రకటించారు. మహాయాన మోషన్ పిక్చర్స్, పెగాసస్ సినీ కార్ప్ సంస్థలు కలిసి రూపొందిస్తున్న చిత్రానికి ‘మర్మాణువు’ అనే పేరును ఖరారు చేశారు. చిత్రానికి వెంకటేష్‌ మహా దర్శకత్వం వహిస్తున్నారు. గతంలో ‘కేరాఫ్ కంచరపాలెం’, ‘ఉమామహేశ్వర ఉగ్రరూపస్య’వంటి చిత్రాలను తెరకెక్కించారు. గురువారం వెంకటేశ్‌ మహా పుట్టినరోజు. ఈ సందర్భంగా చిత్ర బృందం సినిమా టైటిల్‌తో పాటు పోస్టర్‌ని విడుదల చేసింది. ఈ సినిమాకి మిక్కీ జే మేయర్ సంగీతం స్వరాలు అందిస్తున్నారు. విజయ ప్రవీణ పరుచూరి, శివాని, శివాత్మిక నిర్మాతలు. త్వరలోనే తారాగణంతో పాటు సాంకేతిక నిపుణుల వివరాలను వెల్లడించనున్నారు. రాజశేఖర్‌ గతంలో ‘కల్కి’, ‘గరుడవేగ’ వంటి వైవిధ్యమైన చిత్రాలతో అలరించారు.