Rajinikanth: ఆగస్ట్‌లో ఆరంభం

గతేడాది దీపావళికి ‘పెద్దన్న’గా ప్రేక్షకుల్ని పలకరించారు రజనీకాంత్‌. ఈ సినిమా తర్వాత ఆయన మరో కొత్త చిత్రమేదీ ప్రారంభించలేదు. నెల్సన్‌ దిలీప్‌ కుమార్‌ దర్శకత్వంలో ఓ సినిమా చేయనున్నట్లు ప్రకటించారు. ఇటీవల దిలీప్‌ నుంచి వచ్చిన ‘బీస్ట్‌’ పూర్తిగా నిరుత్సాహపరచడంతో రజనీతో సినిమా ఉంటుందా? లేదా? అన్న ఊహాగానాలు మొదలయ్యాయి. ప్రస్తుతం కోలీవుడ్‌ వర్గాల నుంచి అందుతున్న సమాచారం ప్రకారం.. రజనీ కొత్త చిత్రం ఆగస్ట్‌లో ప్రారంభం కానున్నట్లు తెలిసింది. ప్రస్తుతం స్క్రిప్ట్‌ పనులు ముగింపు దశకు చేరుకున్నాయని, పూర్వ నిర్మాణ పనులను ప్రారంభించారని సమాచారం. ఇది రజనీకి 169వ చిత్రం. అనిరుధ్‌ స్వరాలందిస్తున్నారు. సన్‌ పిక్చర్స్‌ సంస్థ నిర్మిస్తోంది. త్వరలో మరిన్ని వివరాలు వెల్లడించనున్నారు.