Rakul Preet Singh: నెట్టింటిని షేక్‌ చేస్తోన్న రకుల్‌ డ్యాన్స్‌.. వీడియో వైరల్‌

జాకీ భగ్నానీ ఏమన్నారంటే

ముంబయి: స్టార్‌ హీరోయిన్‌ రకుల్‌ ప్రీత్‌సింగ్‌ (Rakul Preet Singh) తాజాగా తన డ్యాన్స్‌తో నెట్టింటిని షేక్‌ చేస్తున్నారు. దక్షిణాది, బాలీవుడ్‌లో వరుస సినిమాలు చేస్తోన్న ఆమె తాజాగా సెలబ్రిటీ కొరియోగ్రాఫర్‌ డింపుల్‌ దగ్గర డ్యాన్స్‌లో శిక్షణ తీసుకున్నారు. ఇందులో భాగంగా యూట్యూబ్‌లో 20 కోట్లకు పైగా వ్యూస్‌ సొంతం చేసుకున్న సెన్సేషనల్‌ ‘పసూరి’ (Pasoori) సాంగ్‌కు రకుల్‌ కాలు కదిపారు. దీనికి సంబంధించిన వీడియోని ఆమె ఇన్‌స్టా వేదికగా షేర్‌ చేస్తూ.. ఈ పాట తన ఫేవరెట్‌ అని పేర్కొన్నారు. ప్రస్తుతం ఈ వీడియో ఇన్‌స్టాలో వైరల్‌గా మారింది. గంటలోనే సుమారు 3 లక్షలకు పైగా వ్యూస్‌ని సొంతం చేసుకుంది. దీన్ని చూసిన సెలబ్రిటీలు.. ‘‘ఓ మై గాడ్‌’’, ‘‘చంపేశావ్‌ బేబీ’’ అని కామెంట్స్ పెడుతున్నారు.

ఇక, రకుల్‌ ప్రియుడు, నటుడు జాకీ భగ్నానీ(Jackky Bhagnani) సైతం ఈ వైరల్‌ వీడియోపై స్పందించారు. ‘‘డియర్‌ లవ్‌.. నాక్కూడా నేర్పించవా’’ అని కామెంట్ పెట్టారు. ‘ఎటాక్‌’, ‘రన్‌వే 34’ చిత్రాలతో ఆశించిన ఫలితాన్ని అందుకోలేకపోయిన రకుల్‌ ప్రస్తుతం ‘డాక్టర్‌ జీ’, ‘థ్యాంక్‌ గాడ్‌’, ‘ఛత్రివాలీ’ ‘31 అక్టోబర్‌ లేడీస్‌ నైట్‌’ సినిమాల్లో నటిస్తున్నారు. ‘కొండపొలం’(Kondapolam) తర్వాత రకుల్‌ తెలుగులో ఏ ప్రాజెక్ట్‌కూ సంతకం చేయలేదు.