Ram: రామ్‌ సన్నాహాలు

రామ్‌ హీరోగా బోయపాటి శ్రీను దర్శకత్వంలో ఓ పాన్‌ ఇండియా చిత్రం రూపొందనున్న సంగతి తెలిసిందే. శ్రీనివాసా సిల్వర్‌ స్క్రీన్‌ పతాకంపై శ్రీనివాసా చిట్టూరి నిర్మిస్తున్నారు. ఇప్పటికే అధికారికంగా ప్రకటించిన ఈ సినిమా సెట్స్‌పైకి వెళ్లేందుకు సిద్ధమవుతోంది. ఇందుకోసం జూన్‌ 1న ముహూర్తం ఖరారు చేసినట్లు సమాచారం. ఆరోజే సినిమా పూజా కార్యక్రమాలతో లాంఛనంగా ప్రారంభమవుతుందని, దీనికోసం ఇప్పటికే ఏర్పాట్లు మొదలయ్యాయని తెలిసింది. ప్రస్తుతం రామ్‌ నటిస్తున్న ‘ది వారియర్‌’ పూర్తికాగానే.. ఈ చిత్రం రెగ్యులర్‌ చిత్రీకరణ ప్రారంభం కానుంది. కథానాయికతో పాటు ఇతర నటీనటుల వివరాలు త్వరలో వెల్లడికానున్నాయి.