RamCharan: బంగారం బహుమానం

తన మనసు బంగారం అని చాటుకున్నారు కథానాయకుడు రామ్‌చరణ్‌. ‘ఆర్‌.ఆర్‌.ఆర్‌’ సినిమా కోసం పని  చేసిన వివిధ సాంకేతిక విభాగాల ముఖ్యులు, సహాయకులకి ఒకొక్కరికి తులం బరువున్న బంగారు నాణేల్ని  కానుకగా అందజేశారు. ఆదివారం ఉదయం చిత్రబృందంలోని 35 మందిని తన ఇంటికి అల్పాహారం కోసం ఆహ్వానించి, వాళ్లకి బంగారు నాణేల్ని కానుకగా    అందజేశారు. సినిమా అద్భుతంగా రావడంలో మీ పాత్ర ఎంతో ఉందంటూ ఈ సందర్భంగా ఆ బృందానికి ధన్యవాదాలు తెలిపారు. రాజమౌళి దర్శకత్వంలో ఎన్టీఆర్‌, రామ్‌చరణ్‌ కథానాయకులుగా తెరకెక్కిన ‘ఆర్‌.ఆర్‌.ఆర్‌’ ఇటీవలే ప్రేక్షకుల ముందుకొచ్చిన విషయం తెలిసిందే. రికార్డుస్థాయి వసూళ్లతో విజయవంతంగా ప్రదర్శితమవుతోంది.