Ram Gopal Varma: రాజమౌళికి ఉన్నంత ఓపిక నాకు లేదు: రామ్‌గోపాల్‌ వర్మ

ఇంటర్నెట్‌ డెస్క్‌: సినిమాల విషయంలో రాజమౌళి (Rajamouli)కి ఉన్నంత ఓపిక, ప్యాషన్‌ తనకు లేవన్నారు ప్రముఖ దర్శకుడు రామ్‌గోపాల్‌ వర్మ (Ram Gopal Varma). అందుకే భారీ బడ్జెట్‌తో సినిమాలు తాను చేయనని చెప్పారు. ఓ యూట్యూబ్‌ ఛానల్‌కు ఇచ్చిన ఇంటర్వ్యూలో ఆయన రాజమౌళి గురించి ప్రత్యేకంగా మాట్లాడారు. ఒక్క ఫెయిల్యూర్‌ కూడా లేని దర్శకుడంటూ రాజమౌళిని కొనియాడారు. ‘బాహుబలి’, ‘ఆర్‌ఆర్‌ఆర్‌’లాంటి చిత్రాలను తెరకెక్కించటం తపస్సులాంటిదన్నారు. అన్ని వర్గాల ప్రేక్షకులను అలరించే విధంగా రాజమౌళి సినిమాలను తెరకెక్కిస్తారని, అందుకే అన్నీ పెద్ద విజయం అందుకున్నాయని వివరించారు. అందరికీ నచ్చే పని తానెప్పుడూ చేయనని రామ్‌గోపాల్‌ వర్మ పేర్కొన్నారు.