Ram Setu: శ్రీరాముడికి వేలమందిరాలున్నా సేతు ఒక్కటే

నా పని ఇతిహాసాల్లోని నిజాల్ని వెలికితీయడం అంటూ రామ్‌సేతు (Ram setu) రహస్యాలను బయటపెట్టడానికి రంగంలోకి దిగారు అక్షయ్‌కుమార్‌ (Akshay Kumar). ఆయన పురాతత్వ శాస్త్రవేత్తగా నటించిన చిత్రం ‘రామ్‌సేతు’. తాజాగా ఈ సినిమా ట్రైలర్‌ విడుదలై ఆకట్టుకుంటోంది. ఈ దేశం శ్రీరాముడిపై నమ్మకంతో నడుస్తోంది, మనదేశంలో నెలరోజుల క్రితం నాటి రోడ్లే గుంతలు పడిపోతుంటే 7000 సంత్సరాల నాటి చరిత్ర అంత సులువుగా దొరుకుతుందా...లాంటి సంభాషణలు ఆకట్టుకుంటాయి. సముద్రగర్భంలోకి అక్షయ్‌ వెళ్లే సన్నివేశాలు కనువిందు చేస్తాయి. ఈ ప్రపంచంలో రాముడికి వేల మందిరాలు ఉన్నాయి. కానీ సేతు ఒక్కటే ఉంది అంటూ ట్రైలర్‌లో చివర్లో చెప్పిన డైలాగ్‌ ప్రత్యేక ఆకర్షణగా నిలిచింది. అభిషేక్‌ శర్మ తెరకెక్కించిన ఈ చిత్రంలో సత్యదేవ్‌, నుస్రత్‌ బరూచా, జాక్వెలిన్‌ ఫెర్నాండెజ్‌ కీలక పాత్రల్లో నటించారు. ఈ నెల 25న చిత్రం ప్రేక్షకుల ముందుకు రానుంది.