Ramabanam movie review: రివ్యూ: రామబాణం
Rama banam movie review: గోపీచంద్, డింపుల్ హయాతీ కీలక పాత్రల్లో శ్రీవాస్ దర్శకత్వంలో వచ్చిన ‘రామ బాణం’ ఎలా ఉందంటే?
Ramabanam movie review: చిత్రం: రామబాణం; నటీనటులు: గోపీచంద్, డింపుల్ హయాతీ, జగపతి బాబు, ఖుష్బూ, సచిన్ ఖేడేకర్, నాజర్, అలీ, రాజా రవీంద్ర, వెన్నెల కిషోర్, సప్తగిరి, కాశీ విశ్వనాథ్, సత్య, గెటప్ శ్రీను, సమీర్, తరుణ్ అరోరా తదితరులు; సంగీతం: మిక్కీ జె మేయర్; ఛాయాగ్రహణం: వెట్రి పళనిసామి; కూర్పు: ప్రవీణ్ పూడి; కథ: భూపతి రాజా; సంభాషణలు: మధుసూదన్ పడమటి; కళ: కిరణ్ కుమార్ మన్నె; నిర్మాత: టీజీ విశ్వ ప్రసాద్; దర్శకత్వం: శ్రీవాస్; సంస్థ: పీపుల్ మీడియా ఫ్యాక్టరీ; విడుదల: 05-05-2023
కొన్ని కలయికలు ప్రత్యేకమైన అంచనాల్ని... ఆసక్తిని రేకెత్తిస్తాయి. గోపీచంద్(Gopi chand) - శ్రీవాస్ కలయిక అలాంటిదే. ‘లక్ష్యం’, ‘లౌక్యం’ తర్వాత ఆ ఇద్దరూ కలవడమే ఆ అంచనాలకి కారణం. విజయవంతమైన ఆ కలయికలో రూపొందిన మూడో చిత్రం ‘రామబాణం’ ఆరంభం నుంచీ మంచి ప్రచారాన్నే సొంతం చేసుకుంది. (Ramabanam movie review) మరి చిత్రం ఎలా ఉంది?గోపీచంద్ శైలి యాక్షన్ డ్రామా ఉందా?
కథేంటంటే: రాజారామ్ (జగపతిబాబు) తన ఊళ్లో సుఖీభవ పేరుతో హోటల్ నడుపుతుంటాడు. ప్రజల ఆరోగ్యమే పరమావధి అనుకునే ఆయన... సంప్రదాయ వంటకాల్ని తయారు చేయిస్తూ తక్కువ ధరలకే అందుబాటులో ఉంచుతుంటాడు. వ్యాపారంలో పోటీదారులకి అది కంటగింపుగా మారుతుంది. జీకే (తరుణ్ అరోరా), అతని మామ (నాజర్) సుఖీభవ హోటల్పై దౌర్జన్యానికి పాల్పడి లైసెన్స్ తీసుకెళ్లిపోతారు. దాంతో రాజారామ్ తమ్ముడైన విక్కీ (గోపీచంద్) రాత్రికి రాత్రే వాళ్ల ఇంటిపై దాడిచేసి లైసెన్స్ తీసుకొస్తాడు. నీతి నిజాయతీగా మెలిగే రాజారామ్ ఏదైనా చట్ట పరిధిలోనే చేయాలని భావిస్తుంటాడు. తన తమ్ముడు విక్కీ చేసిన పని నచ్చని రాజారామ్... ఇలాంటివి చేస్తే జీవితంలో ఉన్నతంగా ఎదగలేమని చెబుతూ అతన్ని పోలీసులకి అప్పజెప్పేందుకు వెళతాడు. ఇంతలో విక్కీ తాను ఎప్పటికైనా ఉన్నతంగా ఎదిగి తిరిగొస్తానంటూ తప్పించుకుని కలకత్తా వెళ్లిపోతాడు. అక్కడికి వెళ్లిన విక్కీ ఏం చేశాడు? పదిహేనేళ్ల తర్వాత తిరిగి రావల్సిన అవసరం ఆయనకి ఎందుకొచ్చింది? (Ramabanam movie review) వచ్చాక ఏం జరిగిందనేది అసలు కథ.
ఎలా ఉందంటే: పాత కథల్ని కూడా కొత్తగా చెబుతున్న సమయం ఇది. కథ అదే అయినా దానికి కొత్త నేపథ్యాల్ని మేళవించి, విభిన్నమైన పాత్రీకరణలతోనూ... కథనంతోనూ మేజిక్ చేస్తూ ప్రేక్షకుల్ని మెప్పించే ప్రయత్నాలు జరుగుతున్నాయి. కుటుంబ కథలు ఇప్పుడు రావడం లేదు కదాని... దశాబ్దాల కిందటే చూసేసిన కథల్ని అదే ఫార్ములాతో ఇప్పుడు తెరపైకి తీసుకొస్తామంటే కుదరదు. కానీ, రామబాణం (rama banam review) విషయంలో జరిగింది అదే. సేంద్రీయ ఉత్పత్తులు, సంప్రదాయ ఆహారం అంటూ ఓ కొత్త నేపథ్యాన్ని ఎంచుకున్నారు. తగిన తారాగణం, కావల్సినంత బడ్జెట్ ఉందని తెరపైన హంగులే చెబుతున్నాయి. కానీ చిత్రాన్ని మలిచిన విధానం మాత్రం పేలవంగా ఉంది. ఆరంభం నుంచి చివరి వరకూ ఒక్క సన్నివేశంలోనూ కొత్తదనం లేదు. ప్రేమ, కుటుంబ అనుబంధాలు, డ్రామా, ఆలోచనని రేకెత్తించగలిగే నేపథ్యం.. ఇలా అన్నీ ఉన్న కథే అది. (rama banam review) అయినా సరే మనసుల్ని హత్తుకునే భావోద్వేగాలు కానీ, కాసింత హాస్యం పంచే సన్నివేశాలు కానీ మచ్చుకైనా కనిపించవంటే ఈ స్క్రిప్ట్, దర్శకత్వం ఎంత పేలవమో అర్థం చేసుకోవచ్చు.
కథానాయకుడు కలకత్తా నుంచి ఫ్లైటెక్కి సొంత కుటుంబాన్ని కలవడం కోసం బయల్దేరడంతో కథ మొదలవుతుంది. కథానాయకుడి ఫ్లాష్బ్యాక్, కలకత్తా జీవితం, అక్కడ విక్కీ భాయ్గా ఎదగడం వంటి సన్నివేశాలతో సినిమా సాగుతుంది. యూ ట్యూబర్ భైరవి (డింపుల్ హయాతి)తో ప్రేమలో పడటంతో కథలో మలుపు చోటు చేసుకుంటుంది. కథానాయకుడు పదిహేనేళ్ల తర్వాత తిరిగి సొంత కుటుంబానికి దగ్గర కావడం, అక్కడ చోటు చేసుకునే పరిణామాలు ప్రేక్షకుడి ఊహకు అందేవే. (Ramabanam movie review) కొన్నయితే మరీ అతిగా అనిపిస్తాయి. కథానాయకుడు ఫోన్లోనే రూ.50 కోట్లు సర్దుబాటు చేసి పెళ్లికి ఒప్పించే సన్నివేశాలు అలాంటివే. కామెడీ కోసమంటూ వెన్నెల కిశోర్ని మ్యూజిక్ టీచర్గా చూపిస్తూ తీర్చిదిద్దిన సన్నివేశాల్లో ఏమాత్రం కొత్తదనం లేదు. ఆ సన్నివేశాలు పెద్దగా నవ్వించవు. పతాక సన్నివేశాలు కొద్దిలో కొద్దిగా నయం. అన్నదమ్ములిద్దరి అభిప్రాయాలూ కలవడం, ఆ తర్వాత చోటు చేసుకునే పరిణామాలు మాస్ ప్రేక్షకుల్ని మెప్పిస్తాయి. సేంద్రీయ ఆహార ఉత్పత్తుల గురించి కోర్టులో జరిగే వాదనలు, న్యాయమూర్తి చెప్పే మాటలు, సందేశం మెప్పిస్తాయి.
ఎవరెలా చేశారంటే: గోపీచంద్ కనిపించిన విధానం బాగుంది. స్టైల్గా కనిపిస్తూ, యాక్షన్ ఘట్టాల్లోనూ, పాటలతోనూ మెప్పించాడు. కానీ ఆయన పాత్రలో ఏమాత్రం కొత్తదనం లేదు. జగపతిబాబుని ఈ మధ్య ప్రతినాయకుడిగానే ఎక్కువగా చూస్తున్నాం. కానీ ఇందులో సాత్వికంగా కనిపిస్తూ రాజారామ్ పాత్రలో ఒదిగిపోయారు. ఆయన పాత్రని మలిచిన విధానం బాగుంది. డింపుల్ హయాతి పాటలకే పరిమితం. డ్యాన్స్లు బాగా చేశారు. ఖుష్బూ పాత్ర పరిధి మేరకు నటించారు. అలీ, వెన్నెల కిశోర్, సత్య, గెటప్ శ్రీను, సప్తగిరి గ్యాంగ్ చేసిన హంగామా ఏమాత్రం నవ్వించదు. తరుణ్ అరోరా, నాజర్, రాజా రవీంద్రతోపాటు కలకత్తా విలన్లు తదితరులు అలవాటైన పాత్రల్లోనే కనిపించారు. కలకత్తా రౌడీలు, లోకల్ రౌడీలు ఇలా బోలెడంత విలన్ గ్యాంగ్ ఉన్నా ఆ పాత్రలన్నీ తేలిపోయాయి. దాంతో హీరోయిజం కూడా పెద్దగా పండలేదు. (rama banam review) సాంకేతికంగా సంగీతం, కెమెరా, కళ విభాగాల పనితీరు మెప్పిస్తుంది. కొన్ని సన్నివేశాలు రిచ్గా కనిపించాయి. ‘సాక్ష్యం’ తర్వాత సుదీర్ఘమైన విరామం తీసుకుని ఈ సినిమా చేసిన దర్శకుడు శ్రీవాస్ తన పనితీరుతో ప్రభావం చూపించలేకపోయారు. పాత కథని, అంతే మూస పద్ధతుల్లో చెప్పారు. నిర్మాణం ఉన్నతంగా ఉంది
- బలాలు
- + పతాక సన్నివేశాలు
- + సంప్రదాయ ఆహార నేపథ్యం
- బలహీనతలు
- - కొత్తదనం లేని కథ, కథనాలు
- - ఆసక్తి రేకెత్తించని సన్నివేశాలు
చివరిగా: ఈ ‘రామబాణం’ గురితప్పింది!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే? -
Merry Christmas review: రివ్యూ: మెర్రీ క్రిస్మస్.. విజయ్ సేతుపతి, కత్రినా కైఫ్ నటించిన చిత్రం ఎలా ఉందంటే?
విజయ్ సేతుపతి, కత్రినా కైఫ్ ప్రధాన పాత్రల్లో నటించిన చిత్రం ‘మెర్రీ క్రిస్మస్’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. ఎలా ఉందంటే? -
Anweshippin Kandethum Review: రివ్యూ: అన్వేషిప్పిన్ కండెతుమ్.. మలయాళ బ్లాక్బస్టర్ ఎలా ఉంది?
Anweshippin Kandethum Review: టొవినో థామస్ కీలకపాత్రలో నటించిన పోలీస్ ప్రొసీడల్ డ్రామా మెప్పించిందా? -
Shaitaan Movie Review: రివ్యూ: షైతాన్.. మాధవన్ నెగెటివ్ షేడ్స్లో నటించిన మూవీ మెప్పించిందా?
Shaitaan Movie Review: అజయ్ దేవ్గణ్, జ్యోతిక, మాధవన్ కీలక పాత్రల్లో నటించిన మూవీ ఎలా ఉంది? -
Breathe Review: రివ్యూ: బ్రీత్.. నందమూరి చైతన్య కృష్ణ హీరోగా నటించిన సినిమా ఎలా ఉందంటే?
Breathe telugu movie Review: నందమూరి చైతన్య కృష్ణ హీరోగా పరిచయమైన సినిమా ‘బ్రీత్’. వైద్యో నారాయణో హరి అనేది ఉపశీర్షిక. ఓటీటీ ‘ఆహా’లో స్ట్రీమింగ్ అవుతోన్న ఈ చిత్రం ఎలా ఉందంటే? -
Bhimaa movie review: రివ్యూ: భీమా.. గోపిచంద్ ఖాతాలో హిట్ పడిందా?
Bhimaa movie review: యాక్షన్ హీరోగా పేరుతెచ్చుకున్న గోపిచంద్ కీలక పాత్రలో నటించిన ‘భీమా’ మూవీ మెప్పించిందా? -
Gaami review: విశ్వక్సేన్ నటించిన ‘గామి’ ఎలా ఉందంటే..!
అఘోరాగా విశ్వక్సేన్ నటించిన చిత్రం ‘గామి’. మరి ఈ పాత్రలో విశ్వక్ భయపెట్టాడో.. లేదో తెలుసుకుందాం. -
Premalu Movie Review: రివ్యూ: ప్రేమలు.. మలయాళ బ్లాక్బస్టర్ తెలుగులో ఎలా ఉంది?
Premalu Movie Review: మలయాళంలో ఘన విజయం సాధించిన ‘ప్రేమలు’ తెలుగులోనూ అదే పేరుతో ప్రేక్షకుల ముందుకు వచ్చింది. మరి ఈ సినిమా ఇక్కడి ప్రేక్షకులను మెప్పించిందా? -
Valari Review: రివ్యూ: వళరి.. రితికా సింగ్ నటించిన హారర్ మూవీ ఎలా ఉందంటే?
Valari Review: రితికా సింగ్ నటించిన హారర్ చిత్రం ‘వళరి’. నేరుగా ప్రముఖ ఓటీటీ ‘ఈటీవీ విన్’లో విడుదలైన ఈ సినిమా ఎలా ఉందంటే? -
The Indrani Mukerjea Story: రివ్యూ: ‘ది ఇంద్రాణీ ముఖర్జియా స్టోరీ’.. షీనా బోరా హత్య కేసుపై డాక్యుమెంటరీ
షీనా బోరా హత్య కేసుపై రూపొందిన డాక్యుమెంటరీ సిరీస్ ‘ది ఇంద్రాణీ ముఖర్జియా స్టోరీ’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. -
Bhoothaddam Bhaskar Narayana Review: రివ్యూ: భూతద్దం భాస్కర్ నారాయణ.. థ్రిల్ పంచాడా?
Bhoothaddam Bhaskar Narayana Review: శివ కందుకూరి కీలక పాత్రలో నటించిన మిస్టరీ థ్రిల్లర్ ‘భూతద్దం భాస్కర్ నారాయణ’ ఎలా ఉంది? ప్రేక్షకులకు థ్రిల్ పంచిందా? -
Operation Valentine Review: రివ్యూ: ఆపరేషన్ వాలెంటైన్.. వరుణ్ ఖాతాలో హిట్ పడిందా?
Operation Valentine Review in telugu: పుల్వామా ఉగ్రదాడి నేపథ్యంలో వరుణ్ తేజ్ కీలక పాత్రలో శక్తి ప్రతాప్ సింగ్ దర్శకత్వం వహించిన ‘ఆపరేషన్ వాలెంటైన్’ మెప్పించిందా? -
Malaikottai Vaaliban: రివ్యూ: మలైకోటై వాలిబన్.. మోహన్లాల్ నటించిన పీరియాడికల్ చిత్రం ఎలా ఉందంటే?
మలయాళ నటుడు మోహన్లాల్ నటించిన తాజా చిత్రం ‘మలైకోటై వాలిబన్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతున్న ఈ సినిమా ఎలా ఉందంటే? -
siddharth roy movie review: రివ్యూ: సిద్ధార్థ్ రాయ్.. దీపక్ సరోజ్ నటించిన మూవీ ఎలా ఉంది?
siddharth roy movie review: ప్రచార చిత్రాలతో ఆసక్తిని పెంచిన ‘సిద్ధార్థ్ రాయ్’ ప్రేక్షకులను మెప్పించిందా? లేదా?