Rana Daggubati: రానా నటించిన ‘1945’.. స్ట్రీమింగ్‌ ఎక్కడంటే...

ఇంటర్నెట్‌ డెస్క్‌: దగ్గుబాటి రానా, రెజీనా హీరోహీరోయిన్లుగా సత్యశివ తెరకెక్కించిన పీరియాడిక్‌ డ్రామా చిత్రం ‘1945’  సత్యరాజ్‌, నాజర్‌ కీలక పాత్రలు పోషించారు. సంక్రాంతి కానుకగా జనవరి 7న థియేటర్లలో విడుదలైన ఈ చిత్రం ఓటీటీలో సందడి చేయనుంది. ప్రముఖ ఓటీటీ ‘సన్‌నెక్ట్స్‌’లో ఫిబ్రవరి7 నుంచి స్ట్రీమింగ్‌ కానుంది. సుమారు ఆరేళ్ల క్రితమే ఈ చిత్రం విడుదల కావాల్సి ప్రారంభమైనా.. అనివార్య కారణాల వల్ల వాయిదా పడుతూ వచ్చింది.  సి.కె. ఎంటర్‌టైన్‌మెంట్స్‌ పతాకంపై సి. కల్యాణ్‌ నిర్మించారు. యువన్‌ శంకర్‌రాజా సంగీతం అందించారు. సత్యరాజ్‌, నాజర్‌ కీలక పాత్రలు పోషించారు.  బ్రిటిష్ పాలన నేపథ్యంలో 1945 సినిమాను తెరకెక్కించిన సినిమా దాదాపు 90 శాతం పూర్తి అయ్యాక సినిమా దర్శకుడు స‌త్యశివతో రానాకి విభేదాలు ఏర్పడ్డాయి. అనివార్య కారణాల వల్ల ఈ సినిమా నుంచి రానా తప్పుకున్నాడు. దీంతో ఈ సినిమా ఆగిపోయింది. క్లైమాక్స్‌ చిత్రీకరణ జరగలేదు. 1945 క్లైమాక్స్‌ సరిగ్గా లేకుండానే థియేటర్లలో విడుదల కావడంతో ప్రేక్షకుల నుంచి మిశ్రమ స్పందన వచ్చింది. బాక్సాఫీస్‌ వద్దా పెద్దగా కాసుల వర్షం కురిపించలేకపోయింది.