Ranbir Kapoor: వీరోచితంగా రణ్‌బీర్‌ ‘షంషేరా’ టీజర్‌!

ముంబయి: బాలీవుడ్‌ నటుడు రణ్‌బీర్‌ కపూర్‌ (Ranbir Kapoor) నటిస్తున్న సరికొత్త యాక్షన్‌ ఎంటర్‌టైనర్‌ ‘షంషేరా’ (Shamshera). కరణ్‌ మల్హోత్రా దర్శకుడు. ఇప్పటికే ఈ చిత్రానికి సంబంధించిన పోస్టర్లు ఇంటర్నెట్‌లో అందరి దృష్టిని ఆకర్షిస్తున్నాయి. తాజాగా ఈ చిత్రానికి సంబంధించిన టీజర్‌ని చిత్రబృందం బుధవారం విడుదల చేసింది. చారిత్రక నేపథ్యంతో కూడిన యాక్షన్‌ సన్నివేశాలతో టీజర్‌ ఆద్యంతం ఆసక్తిగా సాగింది. పోరాట యోధుడు, ఆపదల్లో చిక్కుకున్న తన వర్గాన్ని కాపాడుకునే ఒక వీరుడిగా రణ్‌బీర్‌ నటన, ఆహార్యం ఆకట్టుకునేలా ఉన్నాయి. ఈ సినిమాలో సంజయ్‌ దత్‌ (Sanjay Dutt) ప్రతి నాయకుడిగా కనిపించనున్నారు. యశ్‌రాజ్ ఫిల్మ్స్‌ పతాకంపై నిర్మితమైన ఈ చిత్రం జులై 22న ప్రేక్షకుల ముందుకు రానుంది.