Ranbir Kapoor: వీరోచితంగా రణ్‌బీర్‌ ‘షంషేరా’ టీజర్‌!

ముంబయి: బాలీవుడ్‌ నటుడు రణ్‌బీర్‌ కపూర్‌ (Ranbir Kapoor) నటిస్తున్న సరికొత్త యాక్షన్‌ ఎంటర్‌టైనర్‌ ‘షంషేరా’ (Shamshera). కరణ్‌ మల్హోత్రా దర్శకుడు. ఇప్పటికే ఈ చిత్రానికి సంబంధించిన పోస్టర్లు ఇంటర్నెట్‌లో అందరి దృష్టిని ఆకర్షిస్తున్నాయి. తాజాగా ఈ చిత్రానికి సంబంధించిన టీజర్‌ని చిత్రబృందం బుధవారం విడుదల చేసింది. చారిత్రక నేపథ్యంతో కూడిన యాక్షన్‌ సన్నివేశాలతో టీజర్‌ ఆద్యంతం ఆసక్తిగా సాగింది. పోరాట యోధుడు, ఆపదల్లో చిక్కుకున్న తన వర్గాన్ని కాపాడుకునే ఒక వీరుడిగా రణ్‌బీర్‌ నటన, ఆహార్యం ఆకట్టుకునేలా ఉన్నాయి. ఈ సినిమాలో సంజయ్‌ దత్‌ (Sanjay Dutt) ప్రతి నాయకుడిగా కనిపించనున్నారు. యశ్‌రాజ్ ఫిల్మ్స్‌ పతాకంపై నిర్మితమైన ఈ చిత్రం జులై 22న ప్రేక్షకుల ముందుకు రానుంది.

► Read latest Movies News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.