Rang De:‘రంగ్ దే’ ఆ ఓటీటీలో మాత్ర‌మే

ఇంట‌ర్నెట్ డెస్క్‌: ఎప్పుడెప్పుడా అని సినీ ప్రియులు ఆస‌క్తిగా ఎదురు చూస్తోన్న ‘రంగ్ దే’ ఓటీటీ విడుద‌ల తేదీ ఖ‌రారైంది. ప్ర‌ముఖ ఓటీటీ జీ5లో జూన్ 12 నుంచి స్ట్రీమింగ్  కానుంది. ఈ మేర‌కు ట్వీట్ చేసింది చిత్రబృందం. మీరు ఎంత‌గానో ఎదురుచూస్తోన్న రంగు రంగుల ప్రేమ ఇంద్ర‌జాలం ‘రంగ్ దే’ జూన్‌ 12 నుంచి జీ 5లో మాత్ర‌మే.. అని పేర్కొంది. నితిన్‌, కీర్తి సురేశ్ జంట‌గా తెర‌కెక్కిన సినిమా ఇది. వెంకీ అట్లూరి ద‌ర్శ‌క‌త్వం వ‌హించారు. సితార ఎంట‌ర్‌టైన్‌మెంట్స్ సంస్థ నిర్మించిన ఈ సినిమాకి దేవీ శ్రీ ప్ర‌సాద్ సంగీతం అందించారు. మార్చి 26న థియేట‌ర్ల‌లో విడుద‌లై సంద‌డి చేసింది.