Vaishnav Tej: ఓటీటీలోకి ‘రంగ రంగ వైభవంగా’.. అప్పటి నుంచే స్ట్రీమింగ్‌

వైష్ణవ్‌ తేజ్‌ హీరోగా నటించిన ‘రంగ రంగ వైభవంగా’ సినిమా ఓటీటీ విడుదల తేదీ ఖరారైంది.

Published : 28 Sep 2022 01:27 IST

ఇంటర్నెట్‌ డెస్క్‌: వైష్ణవ్‌ తేజ్‌ (Vaishnav Tej) హీరోగా నటించిన ‘రంగ రంగ వైభవంగా’ (Ranga Ranga Vaibhavanga) సినిమా ఓటీటీ విడుదల తేదీ ఖరారైంది. ‘నెట్‌ఫ్లిక్స్‌’ (Netflix)లో అక్టోబరు 2 నుంచి ఈ చిత్రం స్ట్రీమింగ్‌ కానుంది. ఈ విషయాన్ని ప్రకటిస్తూ సదరు సంస్థ ఓ పోస్టర్‌ విడుదల చేసింది. ఇగోలేని ఏ బంధమైనా అందంగా ఉంటుందనే కాన్సెప్ట్‌తో తెరకెక్కిన ఈ సినిమాలో కేతిక శర్మ కథానాయిక. గిరీశాయ దర్శకత్వం వహించిన ఈ ఫ్యామిలీ ఎంటర్‌టైనర్‌ ఈ నెల 2న థియేటర్లలో విడుదలైన సంగతి తెలిసిందే.

క‌థేంటంటే: స్నేహానికి నిలువెత్తు నిద‌ర్శనం రాముడు (ప్రభు), చంటి (న‌రేష్‌). చంటి కొడుకు రిషి (వైష్ణవ్ తేజ్‌), రాముడు కూతురు రాధ (కేతికా శ‌ర్మ‌).. ఇద్దరూ ఒకే రోజున‌.. ఒకే ఆస్పత్రిలో జ‌న్మిస్తారు. ఈ త‌ల్లిదండ్రుల‌ మ‌ధ్య ఉన్న చ‌క్కటి స్నేహ బంధ‌మే పిల్లల మ‌ధ్య మొగ్గ తొడుగుతుంది. రిషి, రాధ‌ల స్నేహం స్కూల్ డేస్‌లోనే ప్రేమ బంధంగా మారుతుంది. కానీ, ఓ చిన్న సంఘ‌ట‌న వీరిద్దరి మ‌ధ్య దూరం పెంచుతుంది. ఇగోతో పంతాల‌కు పోయి ఒక‌రితో మ‌రొక‌రు మాట్లాడుకోవ‌డం మానేస్తారు. ఈ జంట మ‌ధ్యనున్న ఇగో వార్ చ‌ల్లారి.. ఒక్కట‌య్యే స‌మ‌యంలోనే వీరి కుటుంబాల్లో మ‌రో ప్రేమ‌క‌థ అలజ‌డి రేపుతుంది. అది రిషి అన్నయ్య‌.. రాధ అక్క ప్రేమ‌క‌థ‌. వీరి వ‌ల్ల రిషి - రాధ‌ ప్రేమ ఎందుకు స‌మ‌స్యల్లో ప‌డింది? ప్రాణ స్నేహితులుగా ఉన్న కుటుంబాల మ‌ధ్య గొడ‌వ‌లు మొద‌ల‌వ‌డానికి కార‌ణ‌మేంటి? రెండు కుటుంబాల్ని ఒక్కటి చేయ‌డానికి రిషి ఏం చేశాడు? అన్నది మిగిలిన క‌థ‌.


Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని