Rashmi: ‘సుధీర్‌తో ప్రేమా, పెళ్లా?’: రష్మి సమాధానమేంటంటే?

హైదరాబాద్‌: ‘నా గురించి అందరికీ వివరిస్తుంటే అసలు అది నా జీవితమే అవదు. అన్ని విషయాల్ని చెప్పాల్సిన అవసరం లేదు. అది నా వ్యక్తిగతం’ అని రష్మి (Rashmi Gautam) అన్నారు. వ్యాఖ్యాత, నటుడు సుడిగాలి సుధీర్‌ (Sudigaali Sudheer)తో తనకున్న సంబంధం గురించి ప్రశ్న ఎదురవగా ఆమె స్పందించారు. రష్మి, నందు జంటగా నటించిన ‘బొమ్మ బ్లాక్‌బస్టర్‌’ సినిమా ఇటీవల విడుదలైంది. ఈ సందర్భంగా వారిద్దరు ఓ ఇంటర్వ్యూలో పాల్గొన్నారు.

‘సుధీర్‌, రష్మికి మధ్య ఉంది స్నేహమా, ప్రేమా?, పెళ్లి ఆలోచన ఉందా?’ అని అడగ్గా.. ‘‘మా మధ్య ఉన్న బంధం ఏదైనా కావొచ్చు. దాని గురించి ప్రతి ఒక్కరికీ వివరించలేను. కొన్ని విషయాలు నాలోనే దాచుకుంటా. భవిష్యత్తులో ఏం అవుతుందో తెలియదు. ఏం జరిగినా.. అది తప్పకుండా అందరికీ తెలుస్తుంది. మేం ఆఫ్‌స్క్రీన్‌లో ఎలా ఉంటామో, అదే ఆన్‌స్క్రీన్‌పై కనిపిస్తుంది. మాది పదేళ్ల ప్రయాణం. మేం అనుకొని అదంతా చేయలేదు.. ఓ మ్యాజిక్‌లా మా కెమిస్ట్రీ అందరినీ ఆకర్షించింది’’ రష్మి తెలిపారు.