Rashmika: ‘యానిమల్‌’లో రష్మిక

రణ్‌బీర్‌ కపూర్‌- సందీప్‌రెడ్డి వంగా కలయికలో రూపొందుతున్న చిత్రం ‘యానిమల్‌’. ఏప్రిల్‌ చివరి వారంలో దీని చిత్రీకరణను లాంఛనంగా ప్రారంభించడానికి ఏర్పాట్లు జరుగుతున్నాయి. ఈ  నేపథ్యంలో ఉగాది సందర్భంగా శనివారం ఈ సినిమాలో నటించనున్న కథానాయిక పేరును అధికారికంగా ప్రకటించారు. రష్మిక మందన్న ఇందులో కథానాయిక పాత్ర పోషిస్తుందని పేర్కొన్నారు. ఇది ముంబయిలోని ఓ గ్యాంగ్‌స్టర్‌ కుటుంబం నేపథ్యంలో తెరకెక్కుతున్న కథగా తెలుస్తోంది. దీనికోసం సందీప్‌రెడ్డి ఇప్పటికే ముంబయిలో పలు లొకేషన్లను పరిశీలించారు. ‘యానిమల్‌’లో అనిల్‌కపూర్‌తో పాటు, బాబీడియోల్‌ తదితరులు ముఖ్యపాత్రలు పోషిస్తున్నారు. ఈ చిత్రాన్ని 2023 ఆగస్టు 11న విడుదల చేయాలని సంకల్పించింది చిత్రబృందం.