Rashmika: విజయ్‌తో నటించడం ఎంతో ఆనందంగా ఉంది

ఇంటర్నెట్‌డెస్క్‌: విజయ్‌ సరసన రష్మిక మందన నటిస్తున్న చిత్రం బుధవారం లాంఛనంగా ప్రారంభమైన విషయం తెలిసిందే. ఈ సినిమా అవకాశం దక్కడం చాలా సంతోషంగా ఉందంటూ రష్మిక తన ఆనందాన్ని ట్విటర్‌ వేదికగా పంచుకుంది. విజయ్‌తో నటించడం కోసం ఎదురుచూస్తున్నానని తెలిపింది. విజయ్‌తో కలిసి నటించడం తనకు ఎంతో సంతోషాన్ని కలిగిస్తున్నాయంటూ ట్వీట్‌లో పేర్కొంది. వంశీ పైడిపల్లి దర్శకత్వం వహిస్తున్న ఈ సినిమాకు మ్యూజిక్ సెన్సేష‌న‌ల్ ఎస్‌.ఎస్‌.త‌మ‌న్ సంగీతం అందిస్తున్నారు. శ్రీ వెంకటేశ్వర క్రియేషన్స్‌ పతాకంపై దిల్‌ రాజు, శిరీష్‌లు నిర్మిస్తున్నారు. పరమ్‌ వి పొట్లూరి, పెరల్‌ వి పొట్లూరి పీవీపీ బ్యానర్‌పై సంయుక్తంగా సమర్పిస్తున్నారు.