Rashmika: అలా చేస్తే ఎందులోనైనా విజయం సాధించవచ్చు..: రష్మిక

హైదరాబాద్‌: తన అందంతో అందరినీ ఆకట్టుకుంటుంది హీరోయిన్‌ రష్మిక (Rashmika). ‘పుష్ప’(Pushpa) సినిమాతో నేషనల్‌ క్రష్‌గా మారిన ఈ భామ టాలీవుడ్‌లోనే కాదు అటు బాలీవుడ్‌లోనూ స్టార్‌ హీరోల సరసన వరుస ఆఫర్లు అందుకుంటోంది. తన వ్యక్తిగత విషయాలను, సినిమాకు సంబంధించిన విషయాలను సోషల్‌మీడియాలో పంచుకుంటూ ఉంటుంది. ప్రస్తుతం చేతినిండా సినిమాలతో బిజీగా ఉన్న రష్మిక తాజాగా చేసిన ఓ పోస్ట్‌ నెటిజన్లను ఆకట్టుకుంటోంది. ప్రస్తుతం ఈ పోస్ట్‌ వైరల్‌గా మారింది.

జిమ్‌లో వ్యాయమం చేస్తోన్న వీడియో షేర్‌ చేసిన రష్మిక..‘‘నేను ఒకప్పుడు బలంగా ఉన్న స్త్రీలను చూసి నేనూ అలా ఎప్పుడు ఉంటానో అనుకున్నాను. ఈ వీడియో చూస్తుంటే నేను అలానే ఉన్నానని అర్థమవుతోంది. ఇలా మారడం కోసం నేను చాలా రోజులుగా ప్రయత్నిస్తున్నా. మనం ఏకాగ్రతతో ఏదైనా పని తలపెట్టి కష్టపడితే కచ్చితంగా విజయం సాధించవచ్చు’’ అంటూ స్ఫూర్తిమంతమైన నోట్‌ను షేర్‌ చేసింది.  ఇటీవల కొన్ని విమర్శలు ఎదుర్కొన్న రష్మిక.. కొందరు తన గురించి మాట్లాడిన పదాలు తనని మానసికంగా బాధించాయని తెలిపింది. ఏం మాట్లాడాలో స్పష్టంగా చెప్పాలని కోరింది. ఇక తాజాగా ఆమె నటించిన తొలి బాలీవుడ్‌ మూవీ ‘మిషన్‌ మజ్ను’ నెట్‌ఫ్లిక్స్‌ వేదికగా స్ట్రీమింగ్‌ అవుతోంది. దీంతో పాటు రణ్‌బీర్‌ కపూర్‌, సందీప్‌రెడ్డి వంగా కాంబినేషన్‌లో వస్తున్న ‘యానిమల్‌’తో పాటు, అల్లు అర్జున్ (Allu arjun) ‘పుష్ప: ది రూల్‌’ (Pushpa 2: The Rule )లోనూ రష్మిక నటిస్తోంది. ఫిబ్రవరి నుంచి జరిగే షెడ్యూల్‌లో ఆమె పాల్గొంటుంది.