Ravanasura: సైలెంట్‌గా ఓటీటీలోకి వచ్చేసిన ‘రావణాసుర’.. స్ట్రీమింగ్‌ ఎక్కడంటే..?

హైదరాబాద్‌: మాస్‌ మహారాజ రవితేజ (Raviteja) అభిమానులను ఆకట్టుకున్న సినిమా ‘రావణాసుర’ (Ravanasura). సస్పెన్స్‌ క్రైమ్‌ థ్రిల్లర్‌గా ఇటీవల విడుదలైన ఈ సినిమా మంచి టాక్‌ను సొంతం చేసుకుంది. ఇక నెగెటివ్‌ పాత్రలో రవితేజ తన నటనతో ఆదరగొట్టాడు. ఇప్పుడు ఈ చిత్రం సైలెంట్‌గా ఓటీటీలోకి వచ్చేసింది. అమెజాన్‌ ప్రైమ్‌లో (Amazon Prime Video) స్ట్రీమింగ్‌ అవుతోంది. ఎలాంటి ముందస్తు సమాచారం.. ప్రకటన లేకుండా సడెన్‌ సర్‌ప్రైజ్‌ ఇస్తూ అమెజాన్‌ ఈ సినిమాను డిజిటల్‌ ప్రేక్షకుల ముందుకు తెచ్చింది. సుధీర్‌ వర్మ దర్శకత్వంలో వచ్చిన ఈ సినిమాలో సుశాంత్, అను ఇమ్మాన్యుయేల్, మేఘా ఆకాష్, ఫరియా అబ్దుల్లా కీలక పాత్రల్లో నటించారు.

క‌థేంటంటే..
ర‌వీంద్ర అలియాస్ ర‌వి (ర‌వితేజ) ఓ జూనియ‌ర్ లాయ‌ర్‌. క్రిమిన‌ల్ లాయ‌ర్‌గా పేరు తెచ్చుకున్న క‌న‌క మహాల‌క్ష్మి (ఫ‌రియా అబ్దుల్లా) దగ్గర ప‌నిచేస్తుంటాడు. హారిక (మేఘ ఆకాష్‌) త‌న తండ్రిపై ప‌డిన ఓ హ‌త్య కేసుని వాదించాల‌ని కోరేందుకు క‌న‌క మ‌హాల‌క్ష్మి దగ్గరికి వ‌స్తుంది. ఆమె అంగీకరించనని చెబుతుంది. కానీ, చూడ‌గానే ఆమె అందానికి ఫిదా అయిన ర‌వి... ఎలాగైనా క‌న‌క మహాల‌క్ష్మిని ఒప్పిస్తాన‌ని హారికకి మాట ఇచ్చి రంగంలోకి దిగుతాడు. ఆ కేసు ఒప్పుకొన్నాక ఏం జ‌రిగింది? ఈ కేసుని ఎవ‌రు గెలిచారు? ఇంత‌కీ ఆ హ‌త్య చేసిందెవ‌రనేది తెలియాలంటే అమెజాన్‌ ప్రైమ్‌లో స్ట్రీమింగ్‌ అవుతున్న సినిమా చూడాల్సిందే!