Ramcharan: రంగంలోకి రామ్‌చరణ్‌

రామ్‌చరణ్‌ (RamCharan) హీరోగా శంకర్‌ (Shankar) దర్శకత్వంలో ఓ చిత్రం రూపొందుతోన్న సంగతి తెలిసిందే. దిల్‌రాజు (Dilarju), శిరీష్‌ సంయుక్తంగా నిర్మిస్తున్నారు. కియారా అడ్వాణీ (Kiara Advani) నాయిక. అంజలి, శ్రీకాంత్‌, జయరామ్‌ తదితరులు కీలక పాత్రలు పోషిస్తున్నారు. ఈ సినిమా కొత్త షెడ్యూల్‌ చిత్రీకరణ జులై తొలి వారం నుంచి అమృత్‌సర్‌లో ప్రారంభం కానుంది. ఇందుకోసం చిత్ర బృందం జులై 1న అక్కడికి బయలు దేరనున్నట్లు తెలిసింది. దాదాపు పది రోజుల పాటు సాగే ఈ షెడ్యూల్‌లో.. ఒక ఫైట్‌, పాటతో పాటు పలు కీలక సన్నివేశాలు తెర కెక్కించనున్నారని సమాచారం. ఈ షెడ్యూల్‌ పూర్తయిన వెంటనే హైదరాబాద్‌లో మరో కొత్త షెడ్యూల్‌ మొదలు కానుంది. విభిన్నమైన పొలిటికల్‌ థ్రిల్లర్‌ కథాంశంతో రూపొందుతోన్న చిత్రమిది. యాక్షన్‌కు ప్రాధాన్యముంది. ఇందులో చరణ్‌ మూడు భిన్నమైన లుక్స్‌లో కనిపించనున్నారు. ఈ సినిమాకి సంగీతం: తమన్‌, ఛాయాగ్రహణం: తిరు, ఆర్‌.రత్నవేలు.