Breaking | Feedback | ePratibha | E-PAPER | Pratibha

స్టార్‌ హీరో చిత్రంలో అతిథిగా రెహమాన్‌

ఎప్పుడూ కెమెరా వెనకే ఉంటూ తన సంగీతంతో శ్రోతల్ని ఉర్రూతలూగించే ఎ.ఆర్‌. రెహమాన్‌ తొలిసారి కెమెరా ముందుకొచ్చారు.

Updated : 30 Aug 2022 11:58 IST

ఇంటర్నెట్‌ డెస్క్‌: ఎప్పుడూ తెర వెనకే ఉంటూ తన సంగీతంతో శ్రోతల్ని ఉర్రూతలూగించే ఎ.ఆర్‌. రెహమాన్‌ తొలిసారి కెమెరా ముందుకొచ్చారు. త్వరలోనే తనలోని నటుడ్ని ప్రేక్షకులకి పరిచయం చేయనున్నారు. మలయాళ స్టార్‌ మోహన్‌లాల్‌ కథానాయకుడిగా బి. ఉన్నికృష్ణన్‌ తెరకెక్కిస్తోన్న ‘ఆరాట్టు’ చిత్రంలో నటిస్తున్నారు రెహమాన్‌. ఈ చిత్రంలో ఆయన అతిథి పాత్రలో కనిపించనున్నారు. ఈ విషయాన్ని సామాజిక మాధ్యమాల వేదికగా తాజాగా అభిమానులతో పంచుకున్నారు మోహన్‌లాల్‌. ఈ మేరకు సెట్లో రెహమాన్‌, దర్శకుడితో దిగిన ఫొటోను షేర్‌ చేశారు. ‘అరుదైన, ఎప్పటికీ గుర్తుండిపోయే షూట్‌ ఇది’ అని పేర్కొన్నారు.

యాక్షన్‌ కామెడీ నేపథ్యంలో రూపొందుతున్న ఈ సినిమాలో శ్రద్ధా శ్రీనాథ్‌ నాయిక. హిప్పో ప్రైమ్‌ మోషన్‌ పిక్చర్స్‌, మూవీ పే మీడియాస్‌ ఆర్డీ ఇల్యుమినేషన్స్‌ సంస్థలు నిర్మిస్తున్నాయి. ఈ మధ్యనే వచ్చిన తమిళ చిత్రం ‘బిగిల్‌’లోని ఓ పాటలో తళుక్కున మెరిశారు రెహమాన్.

► Read latest Movies News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.