RGV: గ్రీన్‌ ఇండియా ఛాలెంజ్‌లో ఆర్జీవీ.. అది నేను కాదంటూ ట్వీట్‌‌..!

హైదరాబాద్‌: పర్యావరణాన్ని పరిరక్షించాలనే ఉద్దేశంతో ఎంపీ సంతోష్‌కుమార్‌ ప్రారంభించిన గ్రీన్‌ ఇండియా ఛాలెంజ్‌లో సినీ ప్రముఖులు, రాజకీయ నాయకులు భాగమవుతోన్న విషయం తెలిసిందే. కాగా, తాజాగా ఈ కార్యక్రమంలో ప్రముఖ దర్శకుడు రాంగోపాల్‌ వర్మ భాగమయ్యారు. ఆదివారం ఉదయం తన టీమ్‌తో కలిసి ఆయన మొక్కలు నాటారు. దీనికి సంబంధించిన ఫొటోలు నెట్టింట వైరల్‌గా మారాయి. ఇదిలా ఉండగా, గ్రీన్‌ ఇండియా ఛాలెంజ్‌కు సంబంధించిన ఓ ఫొటోని ట్విటర్‌ వేదికగా షేర్‌ చేసిన రాంగోపాల్‌ వర్మ.. అది తాను కాదంటూ ట్వీట్ చేశారు. ‘‘ఈ ఫొటోలో ఉన్నది నేను కాదు. ఎందుకంటే నాకు మొక్కలన్నా, మట్టన్నా నచ్చదు’’ అని రాసుకొచ్చారు.