Published : 16 Jul 2020 23:48 IST

సుశాంత్ మృతిపై సీబీఐ విచారణ జరిపించండి

హోం మంత్రిని కోరిన సుశాంత్ ప్రియురాలు

ముంబయి: ఇటీవల ఆత్మహత్యకు పాల్పడిన బాలీవుడ్ యువ నటుడు సుశాంత్‌ సింగ్‌ రాజ్‌పూత్‌ మృతిపై సీబీఐ విచారణ జరిపించాలని ఆయన ప్రియురాలు రియా చక్రవర్తి హోం మంత్రి అమిత్ షాను కోరారు. ఈ మేరకు ఆమె గురువారం ట్విటర్ వేదికగా అమిత్‌ షాకు రెండు వరుస ట్వీట్లు చేశారు. ఇప్పటికే సుశాంత్‌ మృతిపై సీబీఐ విచారణ జరిపించాలని పలువురు రాజకీయ, సినీ ప్రముఖులు డిమాండ్ చేస్తున్నారు. అలానే కొద్ది రోజుల క్రితం సుశాంత్ మృతికి కారణం రియా అంటూ ఆమెపై కోర్టులో పిటిషన్ దాఖలు చేశారు. ఈ నేపథ్యంలో రియా చక్రవర్తి సీబీఐ విచారణ కోరడం ప్రాధాన్యం సంతరించుకుంది.

‘‘గౌరవనీయులైన అమిత్‌ షా సర్‌, నేను సుశాంత్ సింగ్ రాజ్‌పూత్ ప్రియురాలిని. సుశాంత్ చనిపోయి ఇప్పటికి నెల గడిచిపోయింది. ఈ విషయంలో న్యాయం జరుగుతుందని నాకు ప్రభుత్వంపై పూర్తి నమ్మకం ఉంది. సుశాంత్ మృతిపై సీబీఐ విచారణ జరిపించాలని నేను మిమ్మల్ని చేతులు జోడించి వేడుకుంటున్నా. ఎలాంటి ఒత్తిడులు సుశాంత్‌ను ఆత్మహత్య చేసుకునేందుకు ప్రోత్సహించాయనే విషయాన్ని నేను తెలుసుకోవాలని అనుకుంటున్నా’’ అని ట్వీట్ చేశారు. సుశాంత్ మృతికి తాను కారణమని ఆరోపిస్తూ తనను చంపేందుకు కొందరు వ్యక్తులను పంపుతానని బెదిరిస్తూ మన్ను రౌత్‌ అనే యూజర్ పంపిన మెసేజ్‌ స్క్రీన్‌షాట్‌ను అంతకుముందు ఆమె ఇన్‌స్టా వేదికగా షేర్‌ చేశారు.

Read latest Movies News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని