LKG 2020 Review: ఎల్కేజీ 2020 రివ్యూ
ఆర్జే బాలాజీ కీలక పాత్రలో నటించిన ‘ఎల్కేజీ 2020’ సినిమా ఎలా ఉందంటే?
చిత్రం: ఎల్కేజీ; నటీనటులు: ఆర్జే బాలాజీ, ప్రియా ఆనంద్, సంపత్, జె.కె.రితేశ్, రామ్ కుమార్ గణేశన్, అనంత్ వైద్యనాథన్ తదితరులు; సంగీతం: లియోన్ జేమ్స్; సినిమాటోగ్రఫ్రీ: విధు అయ్యన్న; ఎడిటింగ్: ఆంథోని; నిర్మాత: ఇషారి కె.గణేశ్; రచన: ఆర్జేబాలాజీ అండ్ ఫ్రెండ్స్; దర్శకత్వం: కె.ఆర్.ప్రభు; విడుదల: ఆహా
కరోనా సమయంలో ఓటీటీ వేదికగా అనేక కొత్త సినిమాలు, వివిధ భాషల్లో విజయవంతమైన చిత్రాలెన్నో అనువాదమై తెలుగు ప్రేక్షకులను అలరించాయి. ప్రస్తుతం సెకండ్ వేవ్ తగ్గినా, థియేటర్లు తెరవడానికి ఇంకొంత సమయం పట్టే అవకాశం ఉంది. దీంతో పలు ఓటీటీ సంస్థలు కొత్త సినిమాలు/వెబ్ సిరీస్లతో పాటు, ఇతర భాషల్లో ఘన విజయం సాధించిన చిత్రాలను తెలుగులోకి తీసుకొస్తున్నాయి. అలా ప్రముఖ తెలుగు ఓటీటీ ‘ఆహా’ తమిళ సూపర్హిట్ ‘ఎల్.కె.జి’ని ‘ఎల్కేజీ 2020’ పేరుతో అందుబాటులోకి తెచ్చింది. హాస్యనటుడిగా, క్యారెక్టర్ ఆర్టిస్ట్గా తమిళ అనువాద చిత్రాల్లో నటించి తెలుగు ప్రేక్షకులకు సుపరిచితుడైన నటుడు ఆర్జే బాలాజీ. మరి ఎల్.కె.జి. 2020 కథ ఏంటి? రాజకీయ నాయకుడిగా ఆర్జే బాలాజీ ఎలా నటించారు?
కథేంటంటే: లంకవరపు కుమార్ గాంధీ అలియాస్ ఎల్కేజీ(ఆర్జే బాలాజీ) ఒక ఊళ్లో వార్డు కౌన్సిలర్. ఆ వార్డులో వాళ్లకు ఏది కావాలన్నా చిటికెలో పని చేసి పెడతాడు. ఎవరైనా అధికారులు పనిచేయకపోతే, తన తెలివి తేటలతో వాళ్లను ఇబ్బందుల్లో పడేసి ఆ పని పూర్తయ్యేలా చేస్తాడు. దీంతో ఆ వార్డు జనాల్లో ఎల్కేజీ అంటే మంచి పేరు ఉంటుంది. అలాంటి సందర్భంలో రాష్ట్ర ముఖ్యమంత్రి అనారోగ్యం బారిన పడి కన్నుమూస్తాడు. దీంతో ఎల్కేజీ ఖాళీ అయిన ఆ అసెంబ్లీ స్థానం నుంచి పోటీ చేసి, ఎమ్మెల్యే అవ్వాలనుకుంటాడు. అందుకు ఎల్కేజీ ఏం చేశాడు? ఉప ముఖ్యమంత్రి అయిన భోజప్ప(రామ్కుమార్ గణేశన్) మెప్పు ఎలా సంపాదించాడు? తన ప్రత్యర్థి అయిన రామచంద్ర(జె.కె.రితేశ్)ను ఎలా బోల్తా కొట్టించాడు? ఇందులో సరళ మునిస్వామి(ప్రియా ఆనంద్)పాత్ర ఏంటి? ఎల్కేజీ చివరకు ఎమ్మెల్యే అయ్యాడా? అన్నది తెలియాలంటే సినిమా చూడాల్సిందే!
ఎలా ఉందంటే: ‘మంచి రాజకీయ నాయకుడు కావాలంటే.. మంచివాడు కానవసరం లేదు. బాగా మాట్లాడితే చాలు జనాలు నమ్మేస్తారు. రాజకీయ నాయకులు కేవలం తమ మాటలతోనే దేశాన్ని పరిపాలిస్తున్నారు’ -ఇది ఎల్కేజీ మూవీలో ఉన్న ఒక డైలాగ్. సినిమా మొత్తం కథ ఈ ఒక్క డైలాగ్లోనే ఉంది. నేటి రాజకీయ వ్యవస్థలో ఉన్న లోపాలను ఎత్తిచూపుతూ అప్పుడప్పుడు పలు చిత్రాల్లో వచ్చే సెటైరికల్ డైలాగ్లు మనం చూస్తూనే ఉంటాం. పూర్తి పొలిటికల్ సెటైరికల్ మూవీలు కూడా చాలా వచ్చాయి. అలాంటి కోవకు చెందిందే ‘ఎల్కేజీ’. ఒక వార్డు కౌన్సిలర్ అయిన సాధారణ యువకుడు ఎమ్మెల్యే స్థాయికి ఎలా ఎదిగాడన్న రాజకీయ ప్రయాణాన్ని వ్యంగ్యంగా రాసుకోవడంలో ఆర్జే బాలాజీ, ఆయన స్నేహితులు సఫలమయ్యారు. దాన్ని అంతే అందంగా, ఎంటర్టైనింగ్గా చూపించారు కె.ఆర్. ప్రభు.
ఒక పార్టీలో కేవలం ఉపన్యాసకుడిగా మిగిలిపోయిన తన తండ్రిని చూసి ఎల్కేజీ ఎలాగైన రాజకీయ నాయకుడు కావాలనుకోవడం, అందులో భాగంగానే వార్డు కౌన్సిలర్ అవడం తదితర సన్నివేశాలతో సినిమా ప్రారంభించాడు దర్శకుడు. అవన్నీ సరదాగా సాగిపోతాయి. ఎప్పుడైతే తాను ఎమ్మెల్యేగా పోటీ చేద్దామని ఎల్కేజీ అనుకున్నాడో అప్పటి నుంచి కథలో వేగం పుంజుకుంటుంది. ఎన్నికల బరిలో నిలిచే అభ్యర్థులకు రాజకీయ వ్యూహాలు/ప్రచార కార్యక్రమాల ప్రణాళికలు రచించే కార్పొరేట్ సంస్థలు ఏవిధంగా పనిచేస్తాయి? ఎలాంటి ప్రచార వ్యూహాలు అమలు పరుస్తాయి? అన్న వాటిని చాలా చక్కగా చూపించారు. ఒక కార్పొరేట్ సంస్థ సాయంతో ప్రచారం ద్వారా దిల్లీ స్థాయిలో తన పేరు మార్మోగేలా ఎల్కేజీ చేసే ప్రయత్నాలు అలరిస్తాయి. నేటి రాజకీయ నాయకులు ఎలాంటి వాటిని ఆసరాగా చేసుకుని వార్తల్లో నిలుస్తున్నారో వాటన్నింటినీ సినిమాలో చూపించాడు దర్శకుడు. ఎమ్మెల్యే అభ్యర్థిత్వం ఖరారైన తర్వాత అదే నియోజకవర్గంలో మంచి పేరున్న రాజకీయనాయకుడైన రామచంద్రం రాకతో కథ కీలక మలుపు తిరుగుతుంది. పార్టీని ఎదిరించి స్వతంత్ర అభ్యర్థిగా రామచంద్రం బరిలో దిగడంతో బలహీనుడైన ఎల్కేజీ ఎలా అతడిని ఢీకొంటాడన్న ఉత్కంఠ ప్రేక్షకుడిలో కదులుతుంది.
ద్వితీయార్ధం మొత్తం ఎల్కేజీ-రామచంద్రల మధ్య జరిగే నాటకీయ పరిణామాలకు చక్కని హాస్యం జోడించి తీర్చిదిద్దిన విధానం నవ్వులు పూయిస్తుంది. ఎల్కేజీకి ఎదురయ్యే అనుభవాల నుంచే హాస్యం పుట్టించారు. ప్రచారంలో సోషల్ మీడియా, మీమ్స్, టెలివిజన్లో ప్రసారమయ్యే చర్చా వేదికలు ఇలా నేటి రాజకీయాల్లో ట్రెండింగ్లో ఉన్న ప్రతి అంశాన్ని దర్శక-రచయితలు చక్కగా ప్రస్తావించారు. ప్రతి విషయానికి హాస్యం జోడించటంతో ఆయా సన్నివేశాలన్నీ రక్తికట్టాయి. కొన్ని సన్నివేశాలు గతంలో వచ్చిన పొలిటికల్ సెటైరికల్ మూవీలో చూసినట్లే అనిపించినా ఇందులోనూ వాటిని ఆసక్తికరంగా తీర్చిదిద్దారు. ఓటు విలువను తెలియజేస్తూ క్లైమాక్స్లో వచ్చే సంభాషణలు ఇప్పటికే చాలా సినిమాల్లో చూశాం. కానీ, చివరిలో ఎల్కేజీ ఇచ్చే ట్విస్ట్తో నేటి రాజకీయ నాయకుడి ప్రవర్తన ఎలా ఉంటుందో సరదాగా చూపించారు.
ఎవరెలా చేశారంటే: ఈ సినిమాకు కథ అందించిన ఆర్జే బాలాజీనే ఇందులో కీలక పాత్ర పోషించారు. లంకవరపు కుమార్ గాంధీ అలియాస్ ఎల్కేజీ పాత్రలో ఒదిగిపోయాడు. తమిళ అనువాద చిత్రాల్లో క్యారెక్టర్ ఆర్టిస్ట్గా ఆయన తెలుగు ప్రేక్షకులకు సుపరిచితుడే. ప్రతి సన్నివేశంలోనూ తనదైన హాస్యం పంచారు. రాజకీయ వ్యూహలు రచించే కార్పొరేట్ సంస్థ ఉద్యోగిగా ప్రియా ఆనంద్ కనిపించింది. తన పాత్ర పరిధి మేరకు చక్కగా నటించింది. మిగిలిన వాళ్లెవరూ తెలుగువాళ్లకు తెలిసిన వాళ్లు కాదు. ఇదే కాస్త మైనస్. లియోన్ జేమ్స్ సంగీతం పర్వాలేదు. పాటలేవీ గుర్తుంచుకునే స్థాయిలో లేవు. చాలా పాటలు కథాగమనంలో వచ్చి వెళ్లిపోతాయి. విధు అయ్యన్న సినిమాటోగ్రఫీ, ఆంథోని ఎడిటింగ్ సమపాళ్లలో కుదిరింది. నిడివి 2గంటలే. హాస్యాన్ని ఆస్వాదిస్తూ సరదాగా సినిమా చూసేయొచ్చు. ఈ సినిమాకు ప్రధాన బలం రచన, దర్శకత్వం. నటుడు ఆర్జే బాలాజీ ఆయన స్నేహితులు నేటి రాజకీయ పరిస్థితులను క్షుణ్నంగా పరిశీలించి ప్రతి సన్నివేశాన్ని వ్యంగ్యంగా ప్రేక్షకుడిని అలరించేలా రాసుకున్నారు. అందుకు తగినట్లుగానే తెలుగులోనూ అనువాదం చేశారు. కొన్ని సన్నివేశాల్లో సినిమాటిక్ లిబర్టీ తీసుకున్నట్లు అనిపిస్తుంది. ‘అల వైకుంఠపురములో’ అలరించిన ‘సిత్తరాల సిరపడు’ పాట వచ్చే సన్నివేశం కడుపుబ్బా నవ్విస్తుంది. ‘ఎల్కేజీ’ ఈ వీకెండ్లో మీకు మంచి వినోదాన్ని పంచుతుంది.
బలాలు | బలహీనతలు |
+ హాస్యం | - తమిళ నేటివిటికీ దగ్గరగా ఉండటం |
+ ఆర్జే బాలాజీ | - తెలిసిన నటీనటులు లేకపోవడం |
+ రచన, దర్శకత్వం |
చివరిగా: ‘ఎల్కేజీ’ హాస్యాన్ని పంచడంలో డబుల్ ‘పీజీ’
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే?
తాజా వార్తలు (Latest News)
-
అర్ధశతకాలతో చెలరేగిన రాహుల్, డికాక్.. చెన్నైపై లఖ్నవూ ఘన విజయం
-
ఆగంతుకుడి అనుమానాస్పద కదలికలు.. ఇరాన్ కాన్సులేట్ వద్ద కలకలం!
-
ప్రైవేటు ఆస్పత్రిలో తెగిపడిన లిఫ్ట్.. 9 మందికి తీవ్ర గాయాలు
-
సీపీఎం కార్యాలయానికి భట్టి విక్రమార్క.. లోక్సభ ఎన్నికల్లో మద్దతుపై చర్చ
-
2026 నాటికి ఎయిర్ట్యాక్సీలు.. 7 నిమిషాల్లో 27 కిలోమీటర్లు!
-
‘ప్రేమలు 2’ ఫిక్స్.. రిలీజ్ ఎప్పుడంటే?