Rowdy Boys Review: రివ్యూ: రౌడీబాయ్స్
‘రౌడీబాయ్స్’ సినిమా రివ్యూ. అనుపమ, ఆశిష్ నటించిన చిత్రం ఎలా ఉందంటే?
నటీనటులు: ఆశిష్, అనుపమ పరమేశ్వరన్, విక్రమ్ సహిదేవ్, కార్తిక్ రత్నం, తేజ్ కూరపాటి, కోమలీ ప్రసాద్, శ్రీకాంత్ అయ్యంగార్, జయప్రకాష్ తదితరులు. సంగీతం: దేవిశ్రీ ప్రసాద్, కూర్పు: మధు, ఛాయాగ్రహణం: మదీ, దర్శకత్వం: శ్రీహర్ష కొనుగంటి, నిర్మాతలు: దిల్ రాజు, శిరీష్, విడుదల తేదీ: 14-01-2022.
సంక్రాంతికి బాక్సాఫీస్ బరిలో కుటుంబ కథా చిత్రాలు, మాస్ యాక్షన్ ఎంటర్టైనర్ల హంగామానే ఎక్కువ కనిపిస్తుంది. కానీ, ఈ పెద్ద పండక్కి ‘రౌడీబాయ్స’ రూపంలో ఓ యూత్ ఫుల్ ఎంటర్టైనర్ కూడా ప్రేక్షకుల్ని పలకరించింది. ‘హుషారు’ వంటి విజయం తర్వాత శ్రీహర్ష కొనుగంటి తెరకెక్కించిన చిత్రమిది. ఈ సినిమాతోనే ప్రముఖ నిర్మాత శిరీష్ తనయుడు ఆశిష్ హీరోగా పరిచయమయ్యారు. అనుపమ పరమేశ్వరన్ కథానాయిక. యువతరం మెచ్చే కాలేజీ నేపథ్య కథాంశంతో రూపొందిన సినిమా కావడం.. అందుకు తగ్గట్లుగానే పాటలు, ప్రచార చిత్రాలు ఊరించేలా ఉండటంతో సినీ ప్రియుల్లో ఈ చిత్రంపై మంచి అంచనాలు ఏర్పడ్డాయి. మరి ఆ అంచనాలను ఈ సినిమా ఏమేర అందుకుంది. ఆశిష్కు హీరోగా తొలి ప్రయత్నంలోనే విజయం దక్కిందా?
కథేంటంటే..
ఏ బాధ్యతా తెలియని, జీవితం పట్ల ఓ స్పష్టత లేని కుర్రాడు అక్షయ్ (ఆశిష్). లెగసీ ఇంజినీరింగ్ కాలేజీలో బీటెక్ చదువుతుంటాడు. కాలేజీలో చేరిన తొలిరోజే కావ్య (అనుపమ పరమేశ్వరన్)ను చూసి మనసు పారేసుకుంటాడు. కానీ, కావ్య మెడికల్ స్టూడెంట్. ఆశిష్ చదువుతున్న ఎదురు కాలేజీలోనే చదువుతుంటుంది. అయితే ఆ రెండు కాలేజీల విద్యార్థుల మధ్య గ్యాంగ్ వార్ నడుస్తుంటుంది. ఎప్పుడు ఎదురు పడినా కొట్టుకుంటూనే ఉంటారు. కావ్య క్లాస్మేట్ విక్రమ్ (విక్రమ్ సహిదేవ్) కూడా ఆమెని ప్రేమిస్తుంటాడు. కావ్యని అక్షయ్ ఇష్టపడుతున్నాడని తెలిశాక.. విక్రమ్ అతడిపై పగ సాధించే ప్రయత్నం చేస్తాడు. ఓరోజు రహస్యంగా మెడికల్ కాలేజీలోకి ప్రవేశించే ప్రయత్నం చేసిన అక్షయ్ను పట్టుకొని కొడతాడు. అనంతరం జరిగిన కొన్ని నాటకీయ పరిణామాల మధ్య కావ్య, అక్షయ్తో లివింగ్ రిలేషన్షిప్లో ఉండేందుకు అంగీకరిస్తుంది. మరి ఆ తర్వాత ఏమైంది? వాళ్ల ప్రేమకు ఎలాంటి సవాళ్లెదురయ్యాయి? ఆఖరికి ఈ రౌడీబాయ్స్ కథలు ఏ కంచికి చేరాయి? అన్నది తెరపై చూడాలి.
ఎలా సాగిందంటే
కాలేజీ కథలకు సినీప్రియుల్లో మంచి క్రేజ్ ఉంది. ప్రేమదేశం నుంచి హ్యాపీడేస్, కొత్త బంగారు లోకం చిత్రాల వరకూ ఈ తరహా కథాంశాలతో రూపొంది.. బాక్సాఫీస్ ముందు ఘన విజయాల్ని అందుకున్న చిత్రాలు అనేకం ఉన్నాయి. కొత్త కథానాయకుల్ని తెరకు పరిచయం చేయడానికి ఇదొక బెస్ట్ జానర్. అందుకే దిల్ రాజు తన కుటుంబ వారసుడిని పరిచయం చేయడానికి ఈ కాలేజీ కథాంశాన్నే ఎంచుకున్నారు. ఇప్పటి వరకూ వచ్చిన కాలేజీ కథల్లాగే ఇదీ ఇంచుమించు ఒకే నేపథ్యంలో సాగుతుంటుంది. అల్లరి చిల్లరగా తిరిగే ఓ ఇంజినీరింగ్ విద్యార్థి.. తన కంటే రెండేళ్లు పెద్దదైన అమ్మాయితో ప్రేమలో పడటం.. ఈ క్రమంలో ఆమెని తన వైపు తిప్పుకోవడానికి రకరకాల వేషాలు వేయడం.. ఇలా సరదాగా సాగిపోతుంటుంది. ఇందులో ఉన్న కొత్తదనమేంటంటే.. ఆ ప్రేమకథకు రెండు కాలేజీల మధ్య సాగే గ్యాంగ్ వార్ నేపథ్యం. సినిమా ప్రథమార్ధమంతా వీటి చుట్టూనే సాగుతుంది. ఆరంభంలో ఆశిష్ పాత్రను పరిచయం చేసిన తీరు చాలా సింపుల్గా ఉంది. కాలేజీలోకి ఎంట్రీ ఇస్తూనే.. కావ్యను చూసి ఇష్టపడటం.. ఆ వెంటనే ప్రేమ లేఖ ఇవ్వడం.. ఈ క్రమంలో ఇరు కాలేజీ విద్యార్థులకు మధ్య గొడవ జరగడం.. వంటి సన్నివేశాలతో కథ చకచకా పరుగులు తీస్తుంటుంది. అయితే కాలేజీ నేపథ్యంలో వచ్చే సన్నివేశాలు, కావ్యను ఇంప్రెస్ చేసేందుకు ఆశిష్ చేసే ప్రయత్నాలు అంత ఆసక్తికరంగా అనిపించవు. ఎందులోనూ సరైన ఫీల్ కనిపించదు. దీనికి తోడు కథనమంతా ఊహలకు తగ్గట్లుగా సాగిపోతుంటుంది. కావ్య, అక్షయ్తో కలిసి డేట్ నైట్కు వెళ్లిందని తెలిశాక.. విక్రమ్కు, అక్షయ్కు మధ్య నడిచే సన్నివేశాలు ఆసక్తికరంగా ఉంటాయి. విరామానికి ముందు అక్షయ్పై విక్రమ్ గ్యాంగ్ దాడి చేయడం.. కావ్య, అక్షయ్తో లివింగ్ రిలేషన్ షిప్లో ఉండేందుకు అంగీకారం తెలపడంతో ద్వితీయార్ధం ఏం జరగబోతుందా? అన్న ఆసక్తి పెరుగుతుంది.
ప్రథమార్ధమంతా కాస్తో కూస్తో కాలక్షేపాన్నిస్తూ సాగిన కథనం.. ఆ తర్వాత సాగతీత వ్యవహారంలా మారిపోతుంది. లివ్-ఇన్ రిలేషన్లో భాగంగా కావ్య, అక్షయ్ల మధ్య వచ్చే రొమాంటిక్ సన్నివేశాలు యువతరానికి నచ్చేలా ఉంటాయి. పోలీస్ స్టేషన్ ఎపిసోడ్ కాస్త అతిగా అనిపిస్తుంది. కావ్యను చదివించడం కోసం అక్షయ్ ఓ ఆర్కెస్ట్రాలో జాయిన్ అవడం.. ఈ క్రమంలో వచ్చే పాటల సన్నివేశాలు నవ్వులు పూయిస్తాయి. ముగింపునకు ముందు కావ్య తండ్రికిచ్చిన మాట కోసం అక్షయ్ ఆమెను వదిలి పెట్టడం.. ఈ క్రమంలో వచ్చే భావోద్వేగభరిత సన్నివేశాలు మరీ నాటకీయంగా అనిపిస్తాయి. ఇక చివర్లో కావ్య, అక్షయ్ తిరిగి కలిసిన తీరు మరీ రొటీన్ వ్యవహారంలా కనిపిస్తుంది.
ఎవరెలా చేశారంటే:
అక్షయ్ పాత్రలో ఆశిష్ చక్కగా ఒదిగిపోయాడు. తొలి సినిమా అయినా నటనలో పరిణతి కనబర్చాడు. డ్యాన్సులు.. ఫైట్లు మంచి ఈజ్తో చేశాడు. కావ్య పాత్రలో అనుపమ ఎంతో అందంగా కనిపించింది. ద్వితీయార్ధంలో ఆమె పాత్ర కాస్త బోల్డ్గా కనిపించింది. ముద్దు సన్నివేశాల్లో మొహమాటం లేకుండా చెలరేగిపోయింది. విరామానికి, క్లైమాక్స్కు ముందొచ్చే ఎమోషనల్ సన్నివేశాల్లో తనదైన నటనతో చెలరేగిపోయింది. విక్రమ్ పాత్రలో సహిదేవ్ చక్కగా నటించాడు. కార్తిక్ రత్నం, తేజ్ కూరపాటి, శ్రీకాంత్ అయ్యంగార్, జయప్రకాష్ పాత్రలు పరిధి మేర ఆకట్టుకుంటాయి. శ్రీహర్ష రాసుకున్న కథలో కాస్త కొత్తదనమున్నా.. దాన్ని మనసులకు హత్తుకునేలా ఆవిష్కరించగలగడంలో తడబడ్డాడు. కాలేజీ నేపథ్యంలో వచ్చే గ్యాంగ్ వార్ సన్నివేశాల్ని ఆకట్టకునేలా తెరకెక్కించాడు. దేవిశ్రీ ప్రసాద్ పాటలు, నేపథ్య సంగీతం చిత్రానికి ప్రధాన బలం. కాలేజీ నేపథ్యానికి తగ్గట్లుగా మది ఛాయాగ్రహణం బాగుంది. ఎడిటింగ్పై మరింత దృష్టి పెట్టాల్సింది. కథకు తగ్గట్లుగా నిర్మాణ విలువలు బాగున్నాయి.
బలాలు:
+ యువతరం మెచ్చే కథ
+ ఆశిష్, అనుపమల కెమిస్ట్రీ
+ కాలేజీ నేపథ్య సన్నివేశాలు
+ పాటలు
బలహీనతలు:
- సాగతీత కథనం
- ద్వితీయార్ధం
చివరిగా: అక్కడక్కడా మెప్పించే రౌడీబాయ్స్
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..?
తాజా వార్తలు (Latest News)
-
గాల్లో ఢీకొన్న రెండు హెలికాప్టర్లు.. 10 మంది నేవీ సిబ్బంది మృతి
-
చెపాక్లో చూసుకుందాం.. లఖ్నవూపై చెన్నై ప్రతీకారం తీరేనా?
-
ఎవరీ అశ్వత్థామ.. కృష్ణుడు అతడికి ఇచ్చిన శాపం ఏంటి?
-
లాభాల్లో స్టాక్ మార్కెట్ సూచీలు.. 22,400 పైన నిఫ్టీ
-
మానేరు వాగుపై కూలిన నిర్మాణంలోని వంతెన
-
సస్పెన్షన్కు గురైన సబ్రిజిస్ట్రార్ ఇంట్లో అనిశా తనిఖీలు.. రూ. 10 కోట్ల ఆస్తుల గుర్తింపు