Cinema News: ‘రుద్ర సింహ’ ప్రతీకారం

సంతోష్‌, స్నేహ, మైత్రి నాయకానాయికలుగా నటించిన చిత్రం ‘రుద్ర సింహ’ (Rusra Simha). మనోహర్‌ కాటేపోగు తెరకెక్కించారు. ధరగయ్య బింగి, ఆంజనేయులు నందవరం, మనోహర్‌, కోటేశ్వర్‌రావు జింకల సంయుక్తంగా నిర్మించారు. ఈ సినిమా జులై 8న విడుదల కానుంది. ఈ నేపథ్యంలో ఇటీవల హైదరాబాద్‌లో నటులు సుమన్‌, భానుచందర్‌ చిత్ర పాటల్ని విడుదల చేశారు. ఈ సందర్భంగా చిత్ర దర్శకుడు మాట్లాడుతూ.. ‘‘ఇదొక విభిన్నమైన యాక్షన్‌ రివేంజ్‌ డ్రామా. ఇందులో ఏడు పాటలు, ఐదు ఫైట్లు ఉన్నాయి. సినిమా చూసి ప్రేక్షకులు కచ్చితంగా భావోద్వేగానికి గురవుతారు. థ్రిల్‌గా ఫీలవుతారు’’ అన్నారు. ‘‘మంచి కథతో తెరకెక్కిన ఈ సినిమా గొప్ప విజయం సాధించాలని కోరుకుంటున్నా’’ అన్నారు హీరో సంతోష్‌. నిర్మాతలు మాట్లాడుతూ.. ‘‘లవ్‌, యాక్షన్‌, సెంటిమెంట్‌తో నిండిన చిత్రమిది. మనోహర్‌ చక్కగా తెరకెక్కించారు. ప్రేక్షకులకు కచ్చితంగా నచ్చుతుంది’’ అన్నారు. కార్యక్రమంలో సముద్ర, రవికుమార్‌ చౌదరి, శోభారాణి, అభి తదితరులు పాల్గొన్నారు.