The Gray Man: ‘ది గ్రే మాన్‌’కు సీక్వెల్‌

ప్రముఖ హాలీవుడ్‌ దర్శకులు రూసో బ్రదర్స్‌(Russo Brothers) తెరకెక్కించిన చిత్రం ‘ది గ్రే మాన్‌’ (The Gray man). ర్యాన్‌ గోస్లింగ్‌, క్రిస్‌ ఇవాన్స్‌, ధనుష్‌ (Dhanush) తదితరులు ప్రధాన పాత్రల్లో నటించిన ఈ సినిమా.. ఇటీవల నెట్‌ఫ్లిక్స్‌లో విడుదలైంది. ఇప్పుడీ చిత్రానికి సీక్వెల్‌ తీసుకొచ్చేందుకు సిద్ధమయ్యారు రూసో బ్రదర్స్‌. ఈ విషయాన్ని వారే అధికారికంగా ప్రకటించారు. ‘‘ది గ్రే మాన్‌’కి ప్రేక్షకుల నుంచి వచ్చిన స్పందన అద్భుతం. అందరి అంచనాలను అందుకున్నందుకు చాలా సంతోషంగా ఉంది. ఆసక్తికరమైన పాత్రలున్న ఈ చిత్రాన్ని ప్రాంఛైజ్‌లా కొనసాగించాలన్న ఆలోచన మాకెప్పటి నుంచో ఉంది. త్వరలో తెరకెక్కనున్న సీక్వెల్‌లో మరో కొత్త కోణం చూపించనున్నాం’’ అని రూసో బ్రదర్స్‌ తెలిపారు.