Hello World: ‘హలో వరల్డ్‌’లో తారలు వీరే.. ఎవరెవరు ఏం చేస్తారంటే

హైదరాబాద్‌: సదా(Sadha), ఆర్యన్‌ రాజేశ్‌ (Aryan Rajesh) ప్రధాన పాత్రలుగా సిద్ధమైన వెబ్‌సిరీస్‌ ‘హలో వరల్డ్‌’ (Hello World). ఫన్‌, యూత్‌ఫుల్‌ ఎంటర్‌టైనర్‌గా సిద్ధమైన ఈ సిరీస్‌ ఆగస్టు 12 నుంచి జీ5 వేదికగా ప్రేక్షకుల ముందుకు రానుంది. సాఫ్ట్‌వేర్‌ రంగంలోకి కొత్తగా అడుగుపెట్టిన యువతీ యువకుల మధ్య ఉండే స్నేహం, ప్రేమ వంటి అనుబంధాలతో నేటితరం యువతను ఆకట్టుకునేలా దీన్ని సిద్ధం చేశారు. ఈ సిరీస్‌లో ఎవరెవరు ఏయే పాత్రలు పోషించారో తెలియజేస్తూ చిత్రబృందం ఓ స్పెషల్‌ వీడియో రూపొందించింది. ఆర్యన్‌ రాజేశ్‌, సదా ఓ పేరు పొందిన సాఫ్ట్‌వేర్‌ సంస్థలో ఉన్నతాధికారులుగా కనిపించనున్నారు. అదే ఆఫీస్‌లో కొత్తగా విధుల్లోకి చేరిన వారిగా ‘మై విలేజ్‌ షో’ ఫేమ్‌ అనిల్‌, నిఖిల్‌, నిత్యాశెట్టి, సుదర్శన్‌, రామ్‌ నితిన్‌ తదితరులు కీలకపాత్రలు పోషించారు. ఆ వీడియోని నటుడు సాయిధరమ్‌ తేజ్‌ నెట్టింట షేర్‌ చేస్తూ టీమ్‌కు అభినందనలు తెలిపారు. పింక్‌ ఎలిఫెంట్‌ ఎంటర్‌టైన్‌మెంట్స్‌ పతాకంపై నటి నిహారిక దీన్ని నిర్మించారు.