Nani SSR: సాయిపల్లవి ఉగ్రరూపిణై... 

హైదరాబాద్‌: ‘ఎంసీఏ’ తర్వాత సాయిపల్లవి, నాని జంటగా నటిస్తోన్న చిత్రం ‘శ్యామ్‌ సింగరాయ్‌’. ఈ చిత్రానికి రాహుల్‌ సాంకృత్యాయన్‌ దర్శకత్వం వహిస్తున్నారు. ఆదివారం సాయిపల్లవి పుట్టినరోజు సందర్భంగా తాజాగా ఈ సినిమా నుంచి సాయిపల్లవి ఫస్ట్‌లుక్‌ పోస్టర్‌ని చిత్రబృందం విడుదల చేసింది. బెంగాలీ చీరకట్టులో త్రిశూలం పట్టుకున్న కాళీకాదేవి అవతారంలో దర్శనమిస్తున్నట్లు ఉన్న సాయిపల్లవి లుక్‌ ప్రస్తుతం ప్రతిఒక్కర్నీ ఎంతగానో ఆకర్షిస్తోంది.

విభిన్న ప్రేమకథా చిత్రంగా తెరకెక్కుతోన్న ఈ సినిమాలో నాని విభిన్నమైన లుక్‌లో కనిపించనున్నారు. సాయిపల్లవితోపాటు కృతిశెట్టి ఇందులో కథానాయికగా కనిపించనున్నారు. మిక్కీజెమేయర్‌ స్వరాలు అందించనున్నారు. నిహారిక ఎంటర్‌టైన్‌మెంట్‌ పతాకంపై వెంకట్‌ బోయినపల్లి ఈ చిత్రాన్ని నిర్మిస్తున్నారు. ప్రస్తుతం ఈ సినిమా చిత్రీకరణ దశలో ఉంది.