Sai Pallavi: ఆయన బాగా నచ్చారు.. అందుకే అడిగి మరీ ఫొటో దిగా!
‘ఫిదా’లో భానుమతిగా సందడి చేసింది. ‘ఎంసీఏ’లో పల్లవిగా నవ్వించింది. లవ్స్టోరీలో ‘మౌనిక’గా మెప్పించింది ప్రముఖ కథానాయిక సాయిపల్లవి. ఈసారి ‘శ్యామ్సింగరాయ్’లో వైవిధ్యమై పాత్రలో కనిపించనుంది. అందులో దేవదాసి ‘మైత్రి’గా మన ముందుకు రానుంది.
ఇంటర్నెట్ డెస్క్: ‘ఫిదా’లో భానుమతిగా సందడి చేసింది.. ‘ఎంసీఏ’లో పల్లవిగా నవ్వించింది.. లవ్స్టోరీలో ‘మౌనిక’గా మెప్పించింది ప్రముఖ కథానాయిక సాయిపల్లవి. ఈసారి ‘శ్యామ్ సింగరాయ్’లో వైవిధ్య పాత్రలో కనిపించనుంది. అందులో దేవదాసి ‘మైత్రి’గా మన ముందుకు రానుంది. ఈ చిత్రం డిసెంబర్ 24న థియేటర్లో విడుదల కానుంది. ఈ సందర్భంగా ఎన్నో ఆసక్తికర విషయాలను మీడియాతో ముచ్చటించింది. ఆ విశేషాలు మీకోసం..
‘శ్యామ్ సింగరాయ్’లో మైత్రి పాత్ర కోసం ఎలాంటి హోం వర్క్ చేశారు?
సాయిపల్లవి: ప్రతి చిత్రంలో కథను.. అందులోని నా పాత్రను నమ్మే చేస్తా. అలాగే ఏదైనా సినిమా స్క్రిప్ట్ చదువుతున్నప్పుడు ఆ పాత్రను ఈ విధంగా పోషించవచ్చని మనకు ఓ ఐడియా ఉంటుంది. మొదటిసారి ఈ స్క్రిప్ట్ చదివినప్పుడు దేవదాసి ఎలా ఉంటుందని తెలుసుకున్నా.. కానీ, ఈ పాత్ర పోషిస్తున్నప్పుడు.. పాత్ర కన్నా దేవదాసి సైకాలజీ గురించి తెలుసుకున్నా. ఆ విషయం నాకు బాగా నచ్చింది. వేరే చిత్రాల్లో చేసిన క్యారెక్టర్స్ కన్నా ఇందులో దేవదాసి సైకాలజీని ఆకళింపు చేసుకుని నటించేందుకు ప్రయత్నించా.
మీరు ఓ కథకు ఓకే చెప్పారంటే.. కచ్చితంగా ఆ పాత్రకు ప్రాధాన్యత ఉంటుందని నమ్ముతాం. దాని గురించి ఏమంటారు?
సాయిపల్లవి: వెరీ స్వీట్. థ్యాంక్స్ అండీ. ఏ పాత్రైనా నాకు మాత్రం నచ్చితే సరిపోదు. మీకు నచ్చాలి కదా! మీకు కూడా నచ్చిందంటే చాలా సంతోషం.
మీకు వచ్చే పాత్రల్లో డ్యాన్స్కి ప్రాధాన్యత ఉంటుంది. మరి ఇందులో మీ డ్యాన్స్ ఎలా ఉంటుంది?
సాయిపల్లవి: ‘లవ్స్టోరీ’లోనే డ్యాన్స్ పరంగా పెద్దరోల్ పోషించాననుకుంటా. కానీ, ‘శ్యామ్ సింగరాయ్’కి మాత్రం ఎంత కావాలో అంతే పెట్టారు. ‘లవ్స్టోరీ’ అంత డ్యాన్స్ ఇందులో ఉండదు. మొన్న విడుదలైన ‘ప్రణవాలయ’ పాటలో కూడా ఎంత కావాలో అంతే డ్యాన్స్ ఉంటుంది. నిజానికి నాకు క్లాసికల్ డ్యాన్స్ రాదు. ఇప్పటి వరకూ నేర్చుకోలేదు కూడా. కానీ, దర్శకుడు రాహుల్ నేను చేయగలనని నమ్మారు. ప్రణవాలయ పాట డ్యాన్స్ గ్రూప్లో ఉన్నవాళ్లంతా 10-20 ఏళ్ల నుంచి క్లాసికల్ డ్యాన్స్ చేస్తున్నవారే. అందుకే వాళ్లతో కలిసి డ్యాన్స్ చేస్తుంటే చాలా భయం వచ్చేసింది(నవ్వులు). మీరు ఆ సాంగ్ను గమనిస్తే.. అందరూ ఒకేలా చేస్తున్నట్టు అనిపిస్తుంది. అదే నాకు సక్సెస్. ఆ విషయంలో సంతోషంగా ఉన్నా.
ఈ సినిమా ప్రమోషన్ ఈవెంట్స్.. ప్రీ రిలీజ్ ఈవెంట్, ఇంటర్వ్యూలు.. ఇలా ఎక్కువ కనిపిస్తున్నారు!
సాయిపల్లవి: చేయాలి కదా! ‘లవ్స్టోరీ’ చిత్రానికి చేశాను. ఎంసీఏ చిత్ర ప్రమోషన్స్ వరంగల్లో జరిగినప్పుడు నాకూ నా చెల్లికి వైరల్ ఫీవర్ వచ్చింది. కాబట్టి విశ్రాంతి తీసుకున్నా. ఆ తరువాత అన్ని సినిమాల ప్రమోషన్స్కి వచ్చా.
ఈ చిత్రంలో మీ లుక్, మేకప్ గురించి చెప్పండి!
సాయిపల్లవి: ముఖ్యంగా ‘శ్యామ్ సింగరాయ్’లో ఆర్ట్ పీరియడ్ గురించి ఎక్కువగా చెప్పే అవకాశం వచ్చింది. కాబట్టి దాని గురించి ఏది చెప్పినా ప్రేక్షకులకు డిఫరెంట్ అనుభూతి ఉంటుంది. రియల్గా చూపించే అవకాశం ఉంటుంది. ఇక నా పాత్ర లుక్ పరంగా.. లెన్స్ పెట్టారు. హెయిర్స్టైల్ మార్చారు. కాస్ట్యూమ్స్ కూడా వేరే వేరే రంగులు ఎంచుకున్నారు. ఒకే నెలలో 4-5 సార్లు ఫొటో షూట్స్ చేసి ఏది కర్టెక్గా ఉందో అదే ఫిక్స్ చేశారు.
దేవదాసి పాత్ర కోసం మీరేమైనా రీసెర్చ్ చేశారా?
సాయిపల్లవి: దేవదాసి వ్యవస్థ గురించి స్కూల్లోనే చదువుకున్నాం కదా! కాబట్టి ఓ ఐడియా ఉంది. ఆ టైంలో వాళ్లంతా దేవుడికి సేవకులుగా ఉన్నారు. రోజులు గడిచే కొద్దీ ఆ వ్యవస్థను వేరేలా మార్చేశారు. బయట ఉన్న వాళ్లు కూడా దాన్ని చెడుగా చూశారు. దేవదాసీల గురించి ఇండియా మొత్తం చెడుగానే వ్యాప్తించింది. కొన్ని ప్రదేశాల్లో దేవాదాసీలకు కాళ్లకు పచ్చబొట్లు పొడుస్తారు. బయట ఉన్న అమ్మాయికీ గుడి నుంచి వచ్చిన అమ్మాయికి తేడా తెలుసుకునేందుకు ఇలా చేసేవారట. అయితే సినిమా పరంగా ఎంత చూపించాలో దర్శకుడు రాహుల్, నేనూ చర్చించాం. ఇందులో శ్యామ్ పాత్ర కూడా ఉంటుంది కాబట్టి ఎంత మేరకు దేవదాసిగా చూపించవచ్చో అంతే చూపించాం. అంతే కానీ దేవదాసి వ్యవస్థ గురించి ఉండదు.
ప్రీ రిలీజ్ ఈవెంట్లో స్టేజీ మీద కన్నీళ్లు వచ్చాయి కదా!
సాయిపల్లవి: మనకు పాటలు పాడటం రానప్పుడు పాటలు విని.. డ్యాన్స్ చేయడం రాకపోతే డ్యాన్స్ చూసి ఎంజాయ్ చేస్తాం. నాకు డ్యాన్స్ రావడం అనేది దేవుడు ఇచ్చిన ఆశీర్వాదంగా భావిస్తా. ఆ రోజు స్టేజీ మీద అనురాగ్ కుల్కర్ణి పాడిన తర్వాత, డ్యాన్సర్స్ వచ్చి డాన్స్ చేశారు. అది చూసి నాకు భావోద్వేగంతో కన్నీళ్లు ఆగలేదు. అలాగే ప్రేక్షకులు నా మీద చూపిస్తున్న ప్రేమను చూసి ఎమోషనల్ అయ్యా.
దేవదాసి పాత్రకు ఎమోషనల్గా కనెక్ట్ అయ్యారా? లేదా క్యారెక్టర్ పరంగా కనెక్ట్ అయ్యారా?
సాయిపల్లవి: క్యారెక్టర్ పరంగానే కనెక్ట్ అయ్యా. అన్ని చిత్రాలకూ మనం క్యారెక్టర్కు కనెక్ట్ అయితేనే.. ఆ పాత్ర ఇంకొంచెం డిఫరెంట్గా వస్తుందని నేను నమ్ముతా. లేదంటే అందులోని తేడా తెలిసిపోతుంది. ఈ చిత్రంలో మాత్రం సాయిపల్లవిలా కాకుండా దేవదాసిగా కనిపిస్తాననే నేను నమ్ముతా.
నానితో మీకిది రెండో చిత్రం కదా! ఆ ప్రయాణం ఎలా సాగింది. ఆయనతో నటించేటప్పుడు ఎంత సౌకర్యంగా ఫీల్ అయ్యారు?
సాయిపల్లవి: ‘ఎంసీఏ’ చిత్రంలో మా ఇద్దరికి 20-30 శాతమే సీన్స్ ఉన్నాయి. అక్కడ కూడా ప్రేమ సన్నివేశాలే. నేను కూడా అక్కడ నాలానే ఉన్నా. నాని కూడా అతడిలానే ఉన్నారు. ఇద్దరం వైవిధ్యంగా ప్రయత్నించలేదు. ‘శ్యామ్ సింగరాయ్’లో మా ఇద్దరి పాత్రలు వేరేలా ఉంటాయి. మా మధ్య వచ్చే సన్నివేశాల్లో బలమైన ఎమోషన్ ఉంటుంది. ఇక కంఫర్ట్ పరంగా చూస్తే అప్పుడు ఎలా ఉందో.. ఇప్పుడు అలానే ఉంది. కానీ పాత్రపరంగా చర్చలు, పనిపరంగా మాటలు ఉండేవి.
యాక్టింగ్, డ్యాన్స్ కాకుండా మీ జీవితంలో మీకు ఆసక్తికరమైన అంశాలు ఏమైనా ఉన్నాయా?
సాయిపల్లవి: నాకు నా గురించి తెలుసుకోవడమంటే చాలా ఆసక్తి. ఎందుకంటే సందర్భానుసారం ఒక్కోసారి ఒక్కోలా స్పందిస్తా. డ్యాన్స్, యాక్టింగ్, మెడిసిన్ కాకుండా ధ్యానం ఇష్టం. ఆ విషయం గురించి తెలుసుకోవాలనుకుంటున్నా. కొన్ని రోజుల క్రితం నాకు తెలిసిన ఓ వ్యక్తి బెంగళూరులోని ఒక సెంటర్ గురించి చెప్పారు. అక్కడ పాడ్ (టబ్) లాగా ఉంటుంది. అందులో ఎప్సమ్ సాల్ట్ వేసి అందులో కొంచెం సేపు ఉంటే మనకు తెలియని అనుభూతి వస్తుందట. ఆ విషయం నాకు ఆసక్తిగా అనిపించింది.
ఈ సినిమా దేవదాసిగా కనిపించేందుకు ఏదైనా పరిధి అడ్డంకిగా మారిందా?
సాయిపల్లవి: లేదు. రాహుల్తో ఇంకా లోతుగా ఎలా చేయొచ్చనే అడిగా. ఆయన కథకు ఇంతే కావాలని చెప్పారు. అంతే చేశా. ఈ సినిమా కాకుండా వేరే సినిమాలో పూర్తిగా దేవదాసి పాత్ర వస్తే ఇంకా ఎక్కువ చేయగలుగుతానేమో.
ఇలాంటి సినిమా, పాత్రలు చేయాలని గతంలో అనిపించిందా?
సాయిపల్లవి: పౌరాణిక పాత్రలు చేయాలని ఉండేది. ఇలాంటి పాత్రలను పోషించాలని నేనేమీ అనుకోలేదు.
‘శ్యామ్ సింగరాయ్’ అంతా పీరియడ్ డ్రామాలా ప్రచారం చేస్తున్నారు. ఇది సీరియస్గా ఉంటుందా లేక సందేశమిచ్చేలా ఉంటుందా?
సాయిపల్లవి: నేర్పించడంలా మాత్రం ఉండదు. ఆ విషయం సినిమా చూశాక మీకే అర్థమవుతుంది. రిలీజ్ తరువాత ఈ విషయం గురించి మాట్లాడుతా. దేవదాసి, శ్యామ్ సింగరాయ్ గురించి చదవడంలా ఉండదు. కేవలం వాళ్ల జీవితాల గురించి తెలుసుకుంటారు అంతే.
సంప్రదాయపరంగా కోల్కతాకు మనకూ ఉన్నా తేడాలేంటి?
సాయిపల్లవి: సంప్రదాయం గురించి తెలుసుకునేంత ఎక్కువ రోజులు అక్కడ నేను గడపలేదు. ఎటూ వెళ్లడానికి ఉండేది కాదు. మేము కోల్కతాలో ఎక్కడికి వెళ్లినా నన్ను గుర్తుపట్టేవారు. హైదరాబాద్లో నన్ను ఎంత ఆప్యాయంగా చూసుకున్నారో.. అక్కడా అంతే. వాళ్లపని ఆపుకొని వచ్చి ప్రేమగా పలకరించేవారు. మమ్మల్ని సినిమా వాళ్లలా చూడకుండా వేరే ప్రాంతం నుంచి వచ్చామని సౌకర్యంగా ఉన్నామా లేమా అని అడిగేవారు.
దర్శకుడు రాహుల్ టేకింగ్ గురించి చెప్పండి
సాయిపల్లవి: రాహుల్ చాలా క్లారిటీ ఉన్న దర్శకుడు. ఒక్కోసారి నేను, నాని పాత్రలకు సంబంధించి సలహాలు ఇచ్చే వాళ్లం. అయినా సరే! దర్శకుడిగా తనకంటూ ఓ క్లారిటీ ఉంటుంది. సినిమాలో వచ్చే చివరి సన్నివేశమే మేము ఫస్ట్ షూట్ చేసిన సీన్. మేము గందరగోళానికి గురైనా రాహుల్ మాత్రం క్లారిటీగా, నమ్మకంగా ఉండేవాడు.
ఈ సినిమాలో నానితో కాకుండా ఇంకా ఎవరితో స్ర్కీన్ షేర్ చేసుకున్నారు.
సాయిపల్లవి: ఓ తాతయ్యతో కలిసి పని చేశా. ఆయన ఫొటోస్ కూడా తీశాను. ఆయన సత్యజిత్రే చిత్రాల్లో కూడా పనిచేశారు. వ్యక్తిగతంగా ఆయన నాకు ఎంతో నచ్చారు. అందుకే వెళ్లి ‘మీతో ఒక ఫొటో దిగొచ్చా’ అని అడిగి మరీ దిగాను. సినిమాలో ఆయన జీవించారని చెప్పడం కూడా తక్కువేనేమో. అందులో ఆయన సిగెరెట్ స్మోక్ చేసే సన్నివేశం చాలా స్టైల్గా ఉంటుంది. ఒక హీరో ఎలా స్మోక్ చేస్తారో అలానే చేశారు. అలాగే రాహుల్ రవీంద్రన్తోనూ సన్నివేశాలూ ఉన్నాయి.
సాయిపల్లవి ఉన్నారంటే అంచనాలు ఎక్కువగా ఉంటాయి.. మీరేమంటారు!
సాయిపల్లవి: మీరు నన్ను భయపెడుతున్నారండీ (నవ్వులు). నేను ఒక సినిమా చూస్తున్నప్పుడు ఎలా ఎంజాయ్ చేస్తానో అలానే స్క్రిప్ట్ని విని నచ్చాకే ఓకే చెబుతా. అలాగే ఆ పాత్ర పోషించినందుకు నాకు ప్రయోజనం ఉండాలి. ‘ఫిదా’లో భాను తరువాత ఎంసీఏలో చిన్ని పాత్ర చేస్తున్నా అంటే ఆ టీమ్లో ఉన్నవాళ్లు పల్లవి అసౌకర్యంగా ఫీల్ అవుతుందేమోనని అనుకున్నారు. కానీ, నేను మాత్రం ప్రయత్నిద్దాం అని ఎంసీఏ చేశా. అయితే షూట్ చేస్తున్నప్పుడే నేను ఎంసీఏలో కంఫర్ట్బుల్ కాదని అర్థమైంది. అదే రెండు పాత్రలకు ఉన్న డిఫరెన్స్.
ఏ సినిమాలోనైనా హీరో పోస్టరే ప్రత్యేక ఆకర్షణగా నిలుస్తుంది. కానీ సాయిపల్లవి ఉన్నారంటే దృష్టంతా మీవైపే వెళ్తుంది!
సాయిపల్లవి: ఈ మాట విన్నాక సంతోషంగా ఉంది. నిజానికి నేను అంత ఆలోచించను. అన్నింటికన్నా నాకు సినిమా అంటే పిచ్చి ప్రేమ. మీరు ఎంజాయ్ చేసి చూస్తే అదే నాకు ఆనందం. ఇక ఇందులో నాని పాత్ర ఐడియాలజీ గురించి డైలాగ్స్ ఉంటాయి. నా పాత్ర అంతా కళ్లతో చెప్పగలిగా. నా డైలాగ్స్ అన్ని ఎమోషన్స్తో నిండి ఉంటాయి.
ట్రైలర్లో ఆత్మాభిమానం కన్నా ఏది గొప్పది కాదు అనే డైలాగ్ ఉంది. ఆ మాటతో అమ్మాయిలకు సందేశం ఏమైనా ఇద్దామనుకుంటున్నారు!
సాయిపల్లవి: అమ్మాయిలు మొదట వాళ్లని వారు గౌరవించుకోవాలి. అప్పుడే వాళ్లు ఏ నిర్ణయం తీసుకోవాలో తెలుస్తుంది. అలాగే ఆత్మవిశ్వాసమూ ఉండాలి. మిమ్మల్ని కరెక్ట్ చేసేవారూ ఉండాలి. మిమ్మల్ని మీరు చెక్ చేసుకోవాలి. ఎందుకంటే నేను నా విషయంలో ఆత్మాభిమానంతో ఉంటాను.
ఈ సినిమాలో మీ పాత్రకు అవార్డు వస్తుందని ఆశించవచ్చా?
సాయిపల్లవి: ప్రేక్షకుల నుంచి వచ్చే స్పందనే పెద్ద అవార్డు అంతకు మించి ఏమీ కోరుకోను.
తదుపరి చిత్రాలేమిటి?
సాయిపల్లవి: రానాతో ‘విరాటపర్వం’. తమిళంలో మరో చిత్రం చేస్తున్నా. ఆ సినిమా వివరాలు త్వరలో చెబుతా. వెబ్ కంటెంట్ కథలు వింటున్నా. నచ్చితే చేస్తా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు. -
Varun Tej: కల్యాణ్ బాబాయ్ ఇలా చెప్పడం అరుదు: వరుణ్ తేజ్
తన కొత్త సినిమా ‘ఆపరేషన్ వాలెంటైన్’ మార్చి 1న విడుదల కానున్న సందర్భంగా విలేకరులతో ముచ్చటించారు హీరో వరుణ్ తేజ్. -
Sundeep Kishan: అలా చేసుంటే మీ సినిమా బ్లాక్బస్టర్ అయ్యేది: సందీప్ కిషన్తో అభిమాని
తన అభిమానులతో సోషల్ మీడియా వేదికగా ముచ్చటించారు హీరో సందీప్ కిషన్.
తాజా వార్తలు (Latest News)
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
వేసవి రద్దీకి రైల్వే సిద్ధం.. రికార్డు స్థాయిలో 9,111 అదనపు ట్రిప్పులు!
-
కావ్య బాధ.. శారీలో లావణ్య, మౌనీరాయ్
-
నేటి రాశి ఫలాలు.. 12 రాశుల ఫలితాలు ఇలా... (19/04/24)
-
‘ప్రేమలు 2’ ఫిక్స్.. రిలీజ్ ఎప్పుడంటే?
-
కాంగ్రెస్ ఎన్నికల ప్రచారంలో షారూఖ్ ఖాన్ ?... భాజపా అభ్యంతరం