Sai Pallavi: తెలుగు హీరోతో హిందీ సినిమా?

ఇంటర్నెట్‌ డెస్క్: ‘ఫిదా’ చిత్రంతో తెలుగు ప్రేక్షకులను ఆకట్టుకున్న భామ సాయిపల్లవి. తమిళం, మలయాళంలోనూ సినిమాలు చేస్తూ బిజీగా ఉంది. ఇప్పుడీ నటి బాలీవుడ్‌లోనూ ఎంట్రీ ఇచ్చేందుకు రెడీ అయిందని చెప్పుకుంటున్నారు. బెల్లంకొండ శ్రీనివాస్‌ హీరోగా ‘ఛత్రపతి’ సినిమాని హిందీలో రీమేక్‌ చేస్తున్న సంగతి తెలిసిందే. వి.వి.వినాయక్‌ దర్శకత్వం వహిస్తున్నారు. ఇందులో కథానాయికగా సాయిపల్లవిని తీసుకోవాలని చిత్రబృందం భావిస్తోందట. ఆమెతో సంప్రందింపులు జరుపుతున్నారట. అయితే దీనిపై మరిన్ని విషయాలు తెలియాలంటే వేచి చూడాల్సిందే. సాయిపల్లవి నాగచైతన్యతో ‘లవ్‌స్టోరీ’, దగ్గుబాటి రానాతో ‘విరాటపర్వం’ చేసింది. ఈ రెండు సినిమా విడుదలకు సిద్దంగా ఉన్నాయి. ఇక నానితో కలిసి ‘శ్యామ్‌ సింగరాయ్‌’లో నటిస్తోంది.