Samantha: సమంతతో సిద్దూ జొన్నలగడ్డ.. ఆ కాంబో రిపీట్‌ కానుందా..!

హైదరాబాద్‌: ‘డీజే టిల్లు’తో మంచి పేరు సంపాదించుకున్నాడు సిద్దూ జొన్నలగడ్డ  (Siddu Jonnalagadda). ఇక ఎలాంటి పాత్రలోనైనా అద్భుతంగా నటించగలదు సమంత (Samantha). ప్రస్తుతం వీరిద్దరికి సంబంధించిన ఓ వార్త సోషల్‌మీడియాలో వైరలవుతోంది.

త్వరలోనే సమంత ‘ఖుషి’ (kushi)తో ప్రేక్షకుల ముందుకు రానుంది. దీని తర్వాత సామ్‌ ఈ యంగ్‌ హీరో సినిమాలో నటించనుందని అంటున్నారు. నందినీ రెడ్డి దర్శకత్వంలో ఈ సినిమా తెరకెక్కనుందట. గతంలో నందినీ రెడ్డి దర్శకత్వంలో సమంత రెండు సినిమాల్లో నటించిన సంగతి తెలిసిందే. ఇక వీళ్లిద్దరి హ్యాట్రిక్‌ మూవీగా ఇది రానుందని టాక్‌ వినిపిస్తోంది. అందులో సిద్దూ జొన్నలగడ్డ హీరోగా నటించనున్నారని ప్రచారం జరుగుతోంది. పూర్తి స్థాయి కామెడీ చిత్రంగా ఇది రానున్నట్లు సమాచారం. దీనికి సంబంధించిన అధికారిక ప్రకటన రాలేదు కానీ.. వార్త మాత్రం నెట్టింట తెగ షేర్‌ అవుతోంది. దీనిపై నెటిజన్లు కామెంట్స్‌ చేస్తున్నారు. వీరిద్దరు స్క్రీన్‌ పంచుకుంటే కావలసినంత ఎంటర్‌టైన్‌మెంట్‌ ఉంటుందంటూ అభిప్రాయాన్ని వ్యక్తం చేస్తున్నారు.

ప్రస్తుతం నందినీ రెడ్డి ‘అన్నీ మంచి శకునములే’ సినిమా ప్రమోషన్‌లో ఉన్నారు. అది విడుదలయ్యాక ఈ ప్రాజెక్ట్‌పై దృష్టి పెట్టనున్నట్లు తెలుస్తోంది. మరోవైపు సమంత కూడా ‘ఖుషి’ సినిమా చిత్రీకరణలో బిజీగా ఉంది. అలాగే ‘సిటాడెల్‌’ వెబ్‌సిరీస్‌లోనూ నటిస్తోంది. తాజాగా సిటాడెల్‌ సెట్‌ నుంచి సమంత ఓ ఫొటో షేర్‌ చేసింది. ‘నాది పూర్తి స్థాయి యాక్షన్‌ ప్రేమ కథ’ అనే క్యాప్షన్‌ను జోడించింది.