Samantha: బాత్‌ టవల్‌లో సమంత సెల్ఫీ.. ఫొటో వైరల్‌

ఇంటర్నెట్‌ డెస్క్‌: సమంత(Samantha) సెల్ఫీలు ఆమె అభిమానులకు కొత్తేమీ కాదు. కానీ, దుస్తులు ధరించకుండా కేవలం బాత్‌ టవల్‌తోనే సెల్ఫీ తీసుకోవడం ఇప్పుడు అందరి దృష్టిని ఆకర్షిస్తోంది. ప్రతి విషయాన్ని, తాను తీసుకున్న ఫొటోల్ని సమంత నిరభ్యంతరంగా సోషల్‌ మీడియాలో పోస్ట్‌ చేస్తుంటుందనే విషయం తెలిసిందే. ఈ క్రమంలోనే ‘ఇన్‌స్టాగ్రామ్‌ స్టోరీస్‌’లో అప్‌లోడ్‌ చేసిన ఫొటో నెట్టింట వైరల్‌ అయింది. ఇందులో సమంత ఓ అద్దం ముందు నించొని కనిపించింది. ‘‘నువ్వు చాలా గ్రేట్‌. లవ్ యు’’ అని సమంతను ఉద్దేశించి స్టైలిష్ట్‌, కాస్ట్యూమ్‌ డిజైనర్‌ నీరజ కోన రాసిన నోట్‌ ఆ మిర్రర్‌పై కనిపించింది. ‘‘నీరజా.. నేనూ నిన్ను మిస్‌ అయ్యా. తిరిగి వచ్చేయ్‌. నువ్వు పంపిన ఈ క్యూట్‌ నోట్‌కు థ్యాంక్స్‌’’ అని సమంత ఫొటోను షేర్‌ చేసింది.

ఇటీవల, ఓ ప్రముఖ మ్యాగజైన్‌ ఫొటోషూట్‌తోనూ సమంత అందరి దృష్టిని తనవైపు తిప్పుకుంది. ప్రత్యేక గీతాల్లో నర్తించేందుకైనా, యాక్షన్‌ సన్నివేశాల్లో నటించేందుకైనా ఇప్పుడు కాన్ఫిడెంట్‌గా ఉన్నానని, గతంలో ఇలాంటివి చేసేందుకు ధైర్యం చాల్లేదని సదరు మ్యాగజైన్‌ ఇంటర్వ్యూలో తెలిపింది. ఈ ఏడాది ‘కాతువాకుల రెండు కాదల్’తో ప్రేక్షకుల ముందుకొచ్చిన సమంత ప్రస్తుతం వరుస అవకాశాలతో బిజీగా ఉంది. ఆమె నటించిన ‘శాకుంతలం’, ‘యశోద’ సినిమాలు విడుదలకు సిద్ధమవుతుండగా విజయ్‌ దేవరకొండ సరసన ఓ చిత్రంలో నటిస్తోంది. ‘అరేంజ్‌మెంట్స్‌ ఆఫ్‌ లవ్‌’ అనే విదేశీ చిత్రంలోనూ నటించనుంది.

► Read latest Movies News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.