Samantha: సెక్సీగా కనిపించడం అంత తేలిక కాదు.. సమంతపోస్ట్‌

అలా కనిపించాలంటే ఎంతో కష్టపడాలి

ఇంటర్నెట్‌ డెస్క్‌: పదకొండేళ్ల సినీ కెరీర్‌లో నటి సమంత(Samantha) ఐటమ్‌ సాంగ్‌లో కనిపించింది లేదు. తొలిసారి ‘పుష్ప’లోని ఐటమ్‌ సాంగ్‌ ‘‘ఊ అంటావా మావ.. ఊఊ అంటావా!’’ అంటూ అల్లు అర్జున్‌ సరసన ఆడిపాడింది. ఈ పాట లిరికల్‌ వీడియోకి ఎంత స్పందన వచ్చిందో థియేటర్లలో సామ్‌ డ్యాన్స్‌కీ అంతే ఆదరణ లభిస్తోంది. తాజాగా ఈ పాట 100 మిలియన్‌ వ్యూస్‌(అన్ని భాషల్లో కలిపి) మార్క్‌ను చేరుకుంది. ఈ సందర్భంగా సమంత హర్షం వ్యక్తం చేసింది.

‘‘నా కెరీర్‌లో నేను మంచి, చెడు, ఫన్నీ, సీరియస్‌ పాత్రలు పోషించా. అలాగే ‘సామ్‌ జామ్‌’ చాట్‌ షోకి హోస్ట్‌గానూ చేశా. నేను చేసే ప్రతీ పనికి పూర్తి కష్టపడతా. కానీ, సెక్సీగా కనిపించటమంటే అంత తేలిక కాదు. దాని కోసం మరో లెవల్‌లో ఎంతో కష్టపడాలి. ‘ఊ అంటావా మావ.. ఊఊ అంటావా!’ పాటకు మీరు చూపిస్తున్న ప్రేమకు నా ధన్యవాదాలు’’ అంటూ ఇన్‌స్టాలో పోస్ట్‌ చేసింది. ఇక ఈ పాటకి సమంతే కాదు.. సింగర్‌ ఇంద్రావతి చౌహాన్‌ వాయిస్‌ సైతం హైలైట్‌గా నిలిచింది.  బాలీవుడ్‌ కొరియోగ్రాఫర్ గణేశ్‌ ఆచార్య నృత్యాలు సమకూర్చారు. దేవీ శ్రీ ప్రసాద్‌ సంగీతమందించగా.. చంద్రబోస్‌ సాహిత్యం అందించారు. దర్శకుడు సుకుమార్‌ ఈ సినిమాను తెరకెక్కించారు.