రౌడీబేబీ..‘గల్లీరౌడీ’గా మారాడు!

హైదరాబాద్‌: సందీప్‌ కిషన్, బాబీసింహా ప్రధానపాత్రల్లో ఓ చిత్రం తెరకెక్కుతున్న సంగతి తెలిసిందే. ముందు ఈ మూవీకి ‘రౌడీ బేబి’గా టైటిల్‌ పెట్టారు. కానీ, కొన్ని అనుకోని పరిస్థితుల వల్ల ఆ టైటిల్‌ను మార్చి ‘గల్లీ రౌడీ’గా ప్రకటించారు. ఈ మేరకు సోషల్‌ మీడియా వేదికగా టైటిల్‌ వీడియోను టాలీవుడ్‌ దర్శకులు పూరీ జగన్నాథ్‌, హరీశ్‌శంకర్‌, బాబీ, గోపీచంద్‌ మలినేని, శివ నిర్వాణ విడుదల చేశారు. టైటిల్‌ మాత్రమే మారిందని చిత్రంలోని ఫన్‌, ఎంటర్‌టైన్‌మెంట్ ఏ మాత్రం తగ్గవని అంటున్నారు. కోన ఫిల్మ్‌ కార్పోరేషన్‌,  ఎంవీవీ సినిమా సంయుక్తంగా నిర్మిస్తున్న ఈ చిత్రంలో నేహాశెట్టి హీరోయిన్‌గా నటిస్తోంది. నాగేశ్వర్‌రెడ్డి దర్శకత్వం వహిస్తున్నారు.