Sanjana: మగబిడ్డకు జన్మనిచ్చిన నటి సంజన

హైదరాబాద్‌: నటి సంజనా గల్రానీ శుభవార్త చెప్పారు. తాను పండంటి మగ బిడ్డకు జన్మనిచ్చినట్లు  సోషల్‌మీడియా వేదికగా తెలియజేశారు. దీంతో ఆమెకు అభిమానులు అభినందనలు చెబుతున్నారు. ‘సోగ్గాడు’ చిత్రంతో నటిగా వెండితెరకు పరిచయమైన ఈ బెంగళూరు సుందరి హీరోయిన్‌గానే కాకుండా సహాయనటిగానూ నటించి తెలుగు, తమిళ, కన్నడ ప్రేక్షకుల్ని మెప్పించారు. ‘బుజ్జిగాడు’, ‘ముగ్గురు’, ‘యమహో యమః’, ‘లవ్‌ యూ బంగారం’, ‘సర్దార్‌ గబ్బర్‌సింగ్‌’, ‘2 కంట్రీస్‌’.. వంటి తెలుగు చిత్రాల్లో నటించారు. నటిగా రాణిస్తోన్న తరుణంలోనే ఆమె 2020లో బెంగళూరుకు చెందిన అజీజ్‌ పాషా అనే వైద్యుడిని వివాహం చేసుకున్నారు.