santosh shoban: ‘మంచి రోజులు వచ్చాయి’?

హైదరాబాద్‌: సంతోష్‌ శోభన్,  మెహరీన్‌ జంటగా దర్శకుడు మారుతి తన బృందంతో కలిసి ఓ చిత్రం తెరకెక్కిస్తున్నారు. యూవీ క్రియేషన్స్‌ నిర్మిస్తోంది. శరవేగంగా చిత్రీకరణ జరుగుతోంది. దీని కోసం ‘మంచి రోజులు వచ్చాయి’ అనే టైటిల్‌ ఖరారు చేసినట్లు సమాచారం అందుతోంది.

కొవిడ్‌ సమయంలో రెండు ఇళ్ల మధ్య జరిగే కథ ఇది. కరోనా వెళ్లిపోవడంతో సినిమా సుఖాంతమవుతుందని సమాచారం. అందుకే దీనికి తగ్గట్లుగానే ‘మంచి రోజులు వచ్చాయి’ అనే పేరు ఎంచుకున్నట్లు ప్రచారం వినిపిస్తోంది. 30రోజుల్లో చిత్రీకరణ పూర్తి చేయడమే లక్ష్యంగా ఈ సినిమాని పట్టాలెక్కించారు. జులై తొలి వారం చిత్రం పూర్తి కానున్నట్లు తెలుస్తోంది. మారుతి ప్రస్తుతం గోపీచంద్‌ హీరోగా ‘పక్కా కమర్షియల్‌’ అనే చిత్రం సిద్ధం చేస్తున్నారు.