Sarkaru Vaari Paata: మహేశ్‌ అభిమానులూ ఇక రెడీగా ఉండండి..!

హైదరాబాద్‌: తమ హీరో సినిమా గురించి ఎప్పుడెప్పుడు అప్‌డేట్‌ వస్తుందా? అని ఎదురుచూస్తున్న మహేశ్‌బాబు అభిమానులకు శుభవార్త. ఇక మీరు సంబరాలు సిద్ధమవడమే ఆలస్యం. వరుస పెట్టి ఆసక్తికర అప్‌డేట్‌లను ఇవ్వబోతున్నట్లు ‘సర్కారువారి పాట’చిత్ర బృందం తెలిపింది. మహేశ్‌ కథానాయకుడిగా పరుశురామ్‌ తెరకెక్కిస్తున్న ఈ చిత్ర షూటింగ్‌ దాదాపు పూర్తయింది. కేవలం ఒకే ఒక పాటను షూట్‌ చేయాల్సి ఉన్నట్లు తెలిపింది. ఇప్పటికే విడుదల చేసిన టీజర్‌, పోస్టర్స్‌తో పాటు, ‘కళావతి’సాంగ్‌కు విశేష క్రేజ్‌ వచ్చింది. ఇక వరుస అప్‌డేట్‌లు ఇవ్వనున్నట్లు తాజాగా చిత్ర బృందం ప్రకటించింది. కీర్తి సురేశ్‌ కథానాయికగా నటిస్తున్న ఈ చిత్రానికి తమన్‌ మ్యూజిక్‌ డైరెక్టర్‌. మైత్రీ మూవీ మేకర్స్‌ నిర్మిస్తోంది. వేసవి కానుకగా మే12న సినిమాను ప్రేక్షకుల ముందుకు తీసుకురానున్నారు.