Mahesh Babu: దిస్‌ ఈజ్‌ మహేశ్‌ రిపోర్టింగ్‌ సర్‌.. ‘సర్కారు వారి..’ ట్రైలర్‌ అదరహో..!

ఇంటర్నెట్‌ డెస్క్‌: మహేశ్‌బాబు మునుపెన్నడూ కనిపించిన లుక్‌లో అలరించబోతున్నాడనే సమాచారం తెలిసినప్పటి నుంచే ‘సర్కారు వారి పాట’పై ప్రేక్షకుల్లో ఆసక్తి పెరిగింది. ఇప్పటికే విడుదలైన టీజర్‌, పాటలు సినిమాపై భారీ అంచనాలు పెంచాయి. ఆ అంచనాలను పెంచేలా తీర్చిదిద్దిన ట్రైలర్‌ను చిత్ర బృందం తాజాగా విడుదల చేసింది. మహేశ్‌ క్లాస్‌ అండ్‌ మాస్‌ లుక్స్‌, ఆయన చెప్పిన డైలాగ్స్‌ అభిమానులను హుషారెత్తించేలా ఉన్నాయి. ఈ ప్రచార చిత్రంలో చూపించిన సన్నివేశాల్ని బట్టి యాక్షన్‌, కామెడీ, లవ్‌.. ఇలా అన్ని రకాల ఎమోషన్స్‌తో సినిమా రూపొందినట్టు తెలుస్తోంది.

బ్యాంకు కుంభకోణం తదితర అంశాలతో యాక్షన్‌ నేపథ్యంలో ఈ సినిమాని పరశురామ్‌ తెరకెక్కించారు. మహేశ్‌ సరసన కీర్తి సురేశ్‌ నటించింది. వెన్నెల కిశోర్‌, సుబ్బరాజు తదితరులు కీలక పాత్రలు పోషించారు. ఈ సినిమాని నవీన్‌ యెర్నేని, వై. రవిశంకర్‌, రామ్‌ ఆచంట, గోపీచంద్‌ ఆచంట సంయుక్తంగా నిర్మించారు. ఈ చిత్రానికి సంగీతం: తమన్‌, కూర్పు: మార్తాండ్‌ కె. వెంకటేశ్‌, ఛాయాగ్రహణం: ఆర్‌. మధి. ఈ క్రేజీ ప్రాజెక్టు మే 12న విడుదలకానుంది.